Хэдийгээр цөөхөн хүн мэддэг ч “Мэри Поппинс” цуврал киног Австралийн сэтгүүлч, жүжигчин, зохиолч Памела Линдон Трэверсийн зохиолоос сэдэвлэн бүтээсэн. Харин анхны дэвтэр нь 1934 онд хэвлэгдсэний дараа таван дэвтэр нь гарсан байна.  Мөн Уолт Диснейн охидууд нь энэ зохиолыг хорхойтон уншдаг. Дуртай номных нь тоонд ордог байсан учраас аавыгаа Мэри Поппинсыг кино болгох тал дээр эргэлзэлгүй дэмжсэн байдаг ажээ.

Гэвч зохиолчид  эхэндээ энэ санаа таалагдсангүй. Тиймээс Уолт Дисней зохиолоор нь кино хийх  эрхтэй болохын тулдтүүнийг шаргуу ятгах хэрэгтэй болжээ. Энэ нь бараг 20 жил үргэлжилсэн байна. Учир нь Линдон анхнаасаа дур булаам биш түүний зохиолын гол баатрыг тэд уян зөөлөн болгочихно гэж айж байжээ. Харин 1961 онд магадгүй хөрөнгө мөнгө хэрэгтэй болсны улмаас зохиолч кино болгох санааг нь кино зохиол,бүтээх үйл явцыг хянах эрхтэйгээр зөвшөөрсөн байна. Гэсэн ч сэтгэл хангалуун байж чадаагүй учраас тэднийг зохиолыг нь өөрчлөхийг хориглосон ажээ. Гэхдээ энэ нь өөр кино хийх санааг төрүүлсэн байна. Ингэснээр 2013 онд кино найруулагч Жон Ли Хэнкок “Ноён Банксын уулзалт” киног хийснээр кино урлаг шинэчлэгдэж байгааг харуулжээ.

Энэ кинонд гардаг “Серезо”  цэцэгт гудамж нь бодит амьдрал дээр байдаггүй ажээ. Тиймээс Лондонд кинон дээр Гайд паркийн ойролцоо байдаг гэж гардаг энэ гудамжийг хайна гэж бодож байвал хайхгүй байхыг  кино багийнхан сануулсан  байна. Энэ нь зөвхөн чимэглэл байсан гэнэ.

Их Британийн жүжигчин  Жюли Эндрюс 1935 онд “Мэри Поппинс”кинонд  хүүхэд асрагчийн дүрд тоглосноор Оскар, Алтан бөмбөрцөг наадмын шилдэг жүжигчинд олгодог шагналыг хүртжээ.  Дараа нь тэрээр “Инээмсэглэл ба Нулимс” киноны гол дүрийг бүтээснээр  жилийн дараа дахин кино урлагийн салбарт гялалзаж эхэлсэн ажээ.

Ноён Банксын ажилладаг банкны захирлын дүрд домогт жүжигчин Дик Ван Дайк тогложээ. Тэрээр 92 настай ч “Мэри Поппинс эргэж ирсэн нь” кинонд энэ дүрийг бүтээсэн байна. Тэрээр дүрдээ яг тохирсон учраас түүнд нүүр хувиргалт хийх шаардлага гараагүй аж. Мөн өмнөх ангид нь яндан хөөлөгчийн дүрийг бүтээж байжээ.

Зохиолчтой нь удаан хэлэлцээр хийсний эцэст дэлгэцийн бүтээл болгосон энэ кино нь Уолт Диснейгийн хувьд  “Мэри Поппинс” киноны “Талхны үйрмэг” хэмээх дуу нь түүний хийсэн бүх киноны дуунуудаас хамгийн их таалагддаг дуу нь байсан гэнэ.Түүнээс гадна тэр үедээ өндөр үнэ өртгөөр бүтсэн, гайхамшигтай кино байсан аж. Харин олон шагнал авснаар Уолт Диснейгийн гол киноны нэг болсон байна.