С.САРУУЛ НИТХ-ын төлөөлөгч С.Мөнхчулууныг Хотын даргад дэмжсэн. Түүнийг батламжлуулах хүсэлтийг одоогоор Ерөнхий сайдад хүргүүлээгүй байгаа талаар ЗГХЭГ-ын дэд дарга Г.Баясгалан мэдэгдсэн. Энэ талаар Хотын даргад нэр дэвшигч С.Мөнхчулуун тайлбар өглөө. Тэрээр “Өчигдөр орой /2019.01.21/ 18:30  цагт  батламжлуулах бичиг  гараагүй, тогтоол дээр он, сар, өдөр, дугаар нь  бичигдээгүй байсан. Мөн уламжлагдах бичиг дээр гарын үсэг зурагдаагүй байсан учраас намайг батламжлахаас татгалзсан гэдэг шийдвэрт нь би итгэхгүй байна гэдгээ хэлсэн. Одоогийн байдлаар ЗГХЭГ-т  батламжлуулах бичиг нь очоогүй  юм байна. 16-нд гарсан тогтоолыг өнөөдрийг хүртэл Ерөнхий сайдад хүргүүлэхгүй байгаа нь Ерөнхий сайдын хуулиар олгогдсон эрхэд нь халдаж байна гэж  үзэж  байна. Мөн Ерөнхий сайдын шийдвэр гарсан мэт өмнөөс нь ташаа мэдээлэл гарсанд харамч  байна. Батламжлахгүй байх асуудал үүсэхгүй болов уу гэж бодож байна. Миний хувьд хуульд заасан шаардлага, шалгууруудыг хангасан. Мөн НИТХ-ын Төлөөлөгчдийн олонхын саналыг авч сонгогдсон учир Ерөнхий сайд батламжилна гэдэгт итгэж байна. Хэрэв батламжгүй бол хуульд заасны дагуу НИТХ-рүү буцаан хүргүүлнэ. НИТХ хуульд заасны дагуу хуралдаж нэрийг дахин хүргүүлнэ. Үүний дараа Ерөнхий сайд тав хоногийн дотор батламжлах үүрэгтэй гэсэн хуулийн заалт бий" гэсэн юм. Эх сурвалж: www.polit.mn