Ч.Гантулга УДБЭТ-ын үе, үеийн концертмейстерүүд хамтарч энэ сарын 27-нд “Piano Forte” тоглолт зохион байгуулахаар болжээ. Театрын уран бүтээл болон уран бүтээлчдийн амжилтын ард байдаг хамгийн чухал хүн бол “Концертмейстер” багш нар юм. Монгол дуучдыг дэлхийн төвшинд үнэлэгдэхэд хамгийн их үүрэг гүйцэтгэдэг хүн бол тэд юм. Гэвч тэр бүр нэр нь дурьдагдаад байдаггүй эгэл даруу зан, мэргэжлийн ёс зүй концертмейстерт байдаг ажээ. Концертмейстер нь гоцлоочдын бүхий л хэлбэрт хамгийн ойрын туслах болдог. Нэг үгээр тайлбарлахад бүхэл бүтэн найрал хөгжмийг төсөөлөх чадварыг эзэмшсэн төгөлдөр хуурчид гэсэн үг. Тиймээс ч УДБЭТ үе, үеийн концертмейстрүүдээ алдаршуулж, ажил мэргэжлийн онцлогийг нь үзэгчиддээ ойлгуулахын тулд тус тоглолтыг зохион байгуулж байна. Үе үеийн концертмейстрүүдийн тухай товч дурьдвал. Анх “Бөмбөгөр ногоон театр” байх үеэс буюу 1944 онд Ида Павловна “Учиртай гурван толгой” дуурийн хэсгийн тоглож байсан түүхтэй. Ийхүү 1950 оноос эхлэн ЗХУ-ийн эрдэмтэн багш нар уригдаж ажиллаж байсан нь Монголд Улс мэргэжлийн концертмейстертэй болоход том түлхэц үзүүлжээ. 1970-аад оноос Н.Жамсран, Шагдарсүрэн, Ж.Пүрэвдаваа, З.Эрдэнэбилэг зэрэг хөгжимчид байв. Харин 1976 оноос гавьяат жүжигчин Л.Халиунсүрэн, Соёлын тэргүүний ажилтан О.Сарантуяа, 1990 оноос өнөөдрийг хүртэл гавьяат жүжигчин Б.Солонго, Ц.Мягмарсүрэн, Д.Маралгуа, Б.Ундрам, Б.Алуунгоо, Э.Намуун, С.Номин, Ү.Уртнасан балетын концертмейстер Т.Гэрэлцэцэг, Мөнгөнчимэг, Б.Оюунгэрэл, Б.Энхтунгалаг зэрэг концертмейстер УДБЭТ-тай амьдрал, уран бүтээлээ холбожээ. “Piano Forte” тоглолтод гавьяат жүжигчин Л.Халиунсүрэн, Б.Солонго болон Соёлын тэргүүний ажилтан О.Сарантуяа, Ц.Мягмарцэрэн, Б.Ундрам, Э.Намуун зэрэг үе, үеийн концертмейстрүүд оролцож, уран бүтээлээ хүргэх юм. Мөн УДБЭТ-ын гоцлол дуучин гавьяат жүжигчин С.Мөнгөнцэцэг, Ө.Уянга, Б.Эрдэнэтуяа, Р.Доржхорол, Соёлын тэргүүний ажилтан М.Дариймаа, Ш.Наранчимэг, О.Хүрэлбаатар, Б.Гомбо-очир, Э.Бумхүү, Л.Болдцэрэн, Э.Отгонбат, Балетын гоцлооч гавьяат жүжигчин Г.Цолмон, Соёлын тэргүүний ажилтан Х.Өлзий-орших, морин хийлч Д.Амармэнд, Флейт хөгжимчин Т.Оргилцэцэг, морин хуурч Н.Жижигдорж нар оролцох юм байна. Эх сурвалж: www.polit.mn