Эмч нарын цалин 127-183 мянган төгрөгөөр нэмэгдэнэ

Нүүр

Геополитик

Эмч нарын цалин 127-183 мянган төгрөгөөр нэмэгдэнэ

2019-01-16

Нийтэлсэн: Админ

1 мин

ХУВААЛЦАХ

ЖИРГЭХ

Т.САЙХАН Эрүүл мэндийн сайд Д.Сарангэрэл эмч нарын цалин нэмэгдэж буй талаар мэдээлэл хийлээ. Тэрээр “2018 оны есдүгээр сарын 1-нд төрийн албан хаагчдын цалин найман хувиар нэмэгдсэн. Энэ үеэр эрүүл мэндийн салбарын хамгийн их ачаалалтай ажилладаг сувилагчдын цалинг 30 хүртэлх хувиар нэмэгдүүлсэн билээ. Үүний үр дүнд сувилагчид маань 127-183 мянган төгрөгөөр цалингаа нэмэгдүүлсэн. Өнөөдөр эмч нарын цалингийн шатлал 4-5 дугаар шатлалд байгаа. Тэгвэл сая Засгийн газрын хуралдаанаар эмч нарын цалингийн сүлжээний шатлалыг 6-7 руу авчирлаа. Ингэснээр эмч нарын цалин 21.3-47.1 хувиар буюу мөнгөн дүнгээр 122-270 мянган төгрөгөөр нэмэгдлээ" гэсэн юм. Мөн түргэн тусламжийн 511 жолооч 400 мянган төгрөгийн цалин авч байсныг өнөөдөр цалинг нь хоёрдох шатлал руу оруулж 142192 төгрөгөөр нэмэгдүүлэхээр болжээ.. Нийтдээ 8,696 хүн шатлал ахиж, үүн дээрээ ажилласан жил, ур чадвар, жижүүр, үр дүнгийн шагнал нэмэгдэнэ. Эмч нарын цалингийн нэмэгдлийг 2019 оны нэгдүгээр сарын 1-нээс тооцож олгох юм байна.