Х.ОЮУНБОЛД ОХУ-ын Думын санхүүгийн зах зээлийн байнгын хорооны дарга Анатолий Аксаков 2-3  жилийн дотор Орос оронд цахим рубль гүйлгээнд нэвтрэх боломжтой  гэж “Спутник” агентлагт ярьжээ. Тэрээр “Төв банк одоогоор энэ тал дээр болгоомжтой хандаж байна гэж би хэлэх  байна. Мөн цахим рубль нь санхүүгийн найдвартай нөөцтэйгөөс гадна ердийн рубльтэй адилхан учраас блокчайн технологи дээр суурилсан цахим мөнгөний гүйлгээнд ашиглаж болно гэж үзэж” байна гэжээ. Манай санхүүгийн солилцоо болон зөвхөн санхүүгийн салбарт ч биш, эдийн засгийн солилцоонд цахим мөнгийг түлхүү ашигласнаар цахим рублийн хэрэглээ нэмэгдэх боломжтой. Гэхдээ энэ нь 2-3 жилийн дотор хэрэгжинэ гэж бодож байна гэв. Түүний хувьд цахим рубль нь ердийн рублиэр зээл олгох эрхтэй байгууллагын хадгаламжийн дэмжлэгт найдаж болох ажээ. Тэрээр “Үүний гол санаа нь цахим рубль зөвхөн блокчайн технологид хэрэглэгдэж байгаа ердийн рублиэс ялгагдахад байгаа юм” хэмээн тайлбарласан байна. Харин одоогоор ОХУ-ын Төв банк нь цахим мөнгийг дэмжихэд чиглэсэн олон төсөл туршиж байгаа ажээ.  Анатолий Аскаков “Идэвхтэй цахим санхүүгийн тухай хуулийг бид баталмагц түүнийг амьдралд хэрэгжүүлж эхэлнэ. Энэ үеэр магадгүй цахим мөнгийг хэрэглээнд нэвтрүүлэхэд шаардлагатай хууль ёсны орчинг бий болгохтой холбоотой санал гарч  мэднэ” гэдэгт итгэж байгаагаа илэрхийлсэн байна. Эх сурвалж: “Зууны мэдээ” сонин 2019.1.16 № 11 (5978)