Эммануэл Макрон уриалга гаргажээ

Нүүр

Дэлхийн улс төр

Эммануэл Макрон уриалга гаргажээ

2019-01-15

Нийтэлсэн: Админ

1 мин

ХУВААЛЦАХ

ЖИРГЭХ

Х.ОЮУНБОЛД Францын ерөнхийлөгч Эммануэл Макрон иргэдээ үндэсний хэлэлцүүлэгт идэвхтэй оролцохыг уриалсан байна. Тэрээр ”Гуравдугаар сарын 15 хүртэл үргэлжлэх үндэсний их хэлэлцүүлгийг өнөөдрөөс эхлүүлэх” саналыг тавьж байна гэж мэдэгджээ. Түүнчлэн хэлэлцүүлэгт манай орны ихэнх иргэн оролцоно гэдэгт найдаж байна гэв. Энэ хэлэлцүүлэг нь сүүлийн долоо хоногт өрнөсөн чухал асуудлуудад хариулт өгөх ёстой гэж ерөнхийлөгч Эммануэл Макроны онцолссон захидлыг Элисейн ордны цахим хуудаст нийтэлжээ. Францын Засгийн газраас хэлэлцүүлгийн үеэр олон нийтийн зардал, төр, олон нийтийн үйлчилгээний зохион байгуулалт, ардчилал, иргэншил, экологийн өөрчлөлт, татвар гэсэн асуудлыг хэлэлцэхээр төлөвлөсөн байна. Харин ерөнхийлөгч Эммануэл Макрон энэ хэлэлцүүлэг нь сонгууль, санал асуулга ч биш. Гэхдээ та нарын санал францчуудад шинэ гэрээ байгуулах, Засгийн газар, парламентын ажиллагааг зохион байгуулах, Францын байр суурийг Европын болон олон улсын төвшинд таниулах боломжийг олгоно хэмээн онцолжээ. Францад өнгөрсөн жилийн арванэгдүгээр сарын дунд үеэр гэрэлтдэг шар хантааз өмсч шатахууны татвар, шатахууны үнэ өссөнийг эсэргүүцсэн хөдөлгөөнийг өрнүүлсэн. Гэвч энэ хөдөлгөөн нь өргөжиж улс төр, нийгмийн олон асуудлыг хөндсөн хөдөлгөөн болж өргөжин улмаар ерөнхийлөгч Эммануэл Макроныг албан тушаалаасаа татгалзахыг шаардсан ажээ. Эсэргүүцлийн хөдөлгөөнд их сургуулийн оюутнууд, лицей сургуулийн сурагчид оролцсон юм. Эх сурвалж: “Зууны мэдээ” сонин 2019.1.15 № 10 (5977)

Ундны ус гүн цэвэршүүлэх болон хаягдал ус дахин боловсруулах үйлдвэрийн туршилт тохируулгын ажлыг хийж байна

Монгол Улсын Засгийн газар, АНУ-ын Мянганы сорилтын корпорац хооронд 2018 оны 7 дугаар сарын 27-ны өдөр байгуулсан Мянганы сорилтын хоёр дахь Компакт гэрээгээр “Улаанбаатар хотын нийт ус хангамжийг нэмэгдүүлэх хөтөлбөр”-ийг АНУ-ын Засгийн газрын 350.0 сая ам. долларын буцалтгүй тусламж, Монгол Улсын Засгийн газрын 111.7 сая ам. долларын хөрөнгө оруулалтаар хэрэгжүүлж байна. Компакт гэрээ 2026 оны гуравдугаар сарын 31-ний өдөр дуусгавар болно.

1 цаг 45 мин