2014 оны махны нөөцийн бүрдүүлэлтийн тайлан мэдээг салбарын яамнаас гаргажээ. “Хүнсний гол нэрийн бараа, бүтээгдэхүүний үнийг тогтворжуулах” дэд хөтөлбөрийг хэрэгжүүлэх ажлын хүрээнд нөөцийн махны худалдаагаар нийт 10,532.6 тн  (75.2 хувь) махыг борлуулаад байгаа ажээ.  Үүнээс хонины савласан мах 3,148.7 тн, ямааны савласан мах 878,5 тн, үхрийн савласан мах 2,648.1 тн, ямааны цул мах 180,6 тн, үхрийн цул мах 242,9 тн, хонины гулууз 1,902.9 тн, ямааны гулууз 1,057.6 тн, үхрийн гулууз 473,2 тн мах байна. Махны бүрдэл хэсгээр нь үзвэл  хонины мах 5,051.6 тн (48 хувь), ямааны мах 2,116.7 тн (20.1 хувь), үхрийн мах 3,364.2 тн (31.9 хувь)-ийг эзэлж байна. 

-   Үүнээс УБ хотод жижиглэн худалдааны 350 цэгээр нийт 8,835.9 тн (73.6 хувь) мах борлуулжээ. Үхрийн мах 2,667.3 тн,  хонины мах 4,435.3 тн, ямааны мах 1,733.2 тн,  үхрийн цул мах  204,02 тн, ямааны цул мах 150,01 тн , үхрийн өрөөл мах 269,8 тн, хонины гулууз мах 1,670.6 тн,  ямааны гулууз мах 901,5 тн  байна. Өргөтгөсөн худалдааг “Хүчит шонхор”, “Нарантуул-II” худалдааны төвүүд болон нийт 14 цэгээр явуулж байна.

-  Эрдэнэт хотод 33 цэгээр нийт 907,1 тн мах борлуулсан, үүнээс үхрийн мах 450,7 тн,  хонины мах 299,6 тн, ямааны 156,7 тн мах байна.

-  Дархан хотод 110 цэгээр нийт 789,6 тн мах борлуулсан, үүнээс үхрийн мах 316,6 тн, хонины мах 226,7 тн, ямааны мах 246,2 тн мах байна.

Хөтөлбөр хэрэгжсэний дүнд  2010-2012 онд  дунджаар УБ хотын жилийн инфляцийн 3.6 хувийг махны үнийн өсөлт тодорхойлдог байсан бол 2013 онд дунджаар 1.9 хувь, 2014 оны эхний дөрвөн  сарын байдлаар 0.9 хувьтай байна гэж мэдээллээ

/Эх сурвалж: Монголбанк, ҮСХороо/.