Турк улаас манай улсад суугаа Онц бөгөөл Бүрэн Эрхт Элчин сайд Мурат Карагөз олон тавдугаар сарын 30-наас зургадугаар сарын 1-нд Хэнтий аймагт ажлын айлчлал хийлээ. Элчин сайд М.Карагөзийг тус яамны Худалдааны зөвлөхийн орлогч ноён Огуз Куюмжу болон Монгол-Туркийн аж үйлдвэрлэл, бизнесийн холбооны удирдлагууд дагалдан явжээ. Тэд Хэнтий аймгийн, Дадал, Баян-Өндөр, Өмнө-Дэлгэр сумын удирдлагуудтай уулзаж тус аймагт хэрэгжиж буй барилга, дэд бүтцийн салбарыг хөгжүүлэх төсөл, хөтөлбөрүүдийн талаарх мэдээлэлтэй танилцсан байна. Түүнчлэн, Хэнтий аймагтай худалдаа, аялал жуулчлалын салбарт хамтран ажиллах өргөн боломж байгааг дурдсан байна. Элчин сайд Мурат Карагөз Монгол Улстай бүхий л орон нутаг, аймгийн төлөөллүүдийн төвшинд найрсаг харилцаа, хамтын ажиллагаатай байх нь Бүгд Найрамдах Турк Улсын хувьд чухал болохыг онцлоод Монголын эзэнт гүрнийг үүсгэн байгуулагч Их эзэн Чингис хааны өлгий нутагт ийнхүү айлчилж байгаадаа баяртай байгаагаа илэрхийллээ. Хэнтий аймагт халх, буриад, казах үндэстнүүд аж төрдөг нь хүн амын хувьд баялаг аймаг болохыг харуулж байгааг онцлов. Элчин сайд М.Карагөз болон түүнийг дагалдан яваа төлөөлөгчдөд зориулж Хэнтий аймгийн Өндөрхаан хайрханы тахилганы дараа бэсрэг наадам зохион байгуулав. Энэ үеэр Элчин сайд монгол үндэстний дээлээр гоёж хурдан морины уралдаан, бөхийн барилдаан, нум сум харваанд түрүүлсэн оролцогчдод шагнал гардуулсан байна.