Я.Санжмятав: Амар амгаланг эрхэмлэж заан цуглуулдаг

Нүүр

Геополитик

Я.Санжмятав: Амар амгаланг эрхэмлэж заан цуглуулдаг

2014-06-03

Нийтэлсэн: Админ

1 мин

ХУВААЛЦАХ

ЖИРГЭХ

Л.ХЭРЛЭН

УИХ-ын гишүүн, Хөдөлмөрийн сайд Я.Санжмятавын хоббийг сонирхлоо. Тэрээр “Миний хобби бол төрийн бус байгууллагад ажиллах” хэмээн хошигнодог. Яагаад гэсэн асуултад “Төр, засгийн хийж чадаагүйг тэд л хийдэг болохоор” хэмээн товчхон хариулдаг. Гэхдээ тэр нь оргүй үг бас биш. Тэрээр МХЗЭ-ийн Төв хороо, Монголын залуучуудын холбоо, Залуу удирдагч сан, Монголын сүмо бөхийн холбоо, Завхан аймгийн оюутан, залуучуудын төв зэрэг ТББ-д олон жил ажилласан. Залуучуудыг нийгэмд эзлэх байр сууриа олж авахад тусалж дэмжиж ирсэн нь энэ.

Гэхдээ тэрээр залуу байхдаа анд явж, хийморио сэргээдэг байсан гэнэ лээ. Чоно хөөж машинтайгаа окопон дээгүүр харайлгаж, бас унагаж явсан түүхтэй. 40 наснаас хойш ан хийхийг нүгэл гэж боддог болсон эрхмийн өрөөг сүүлийн үед зааны сүрэг чимэх болжээ. Амар тайван, хүчирхэг байдлыг эрхэмлэж заан цуглуулдаг гэнэ. Цуглуулгынх нь нэг хэсэг ажлын өрөөнд нь байдаг бол зарим нь гэрт нь “бэлчиж” явдаг ажээ.