Гэмт хэргийн хууль батлагдвал 1-2 жилийн дараа хэрэгжинэ

Нүүр

Геополитик

Гэмт хэргийн хууль батлагдвал 1-2 жилийн дараа хэрэгжинэ

2014-05-26

Нийтэлсэн: Админ

1 мин

ХУВААЛЦАХ

ЖИРГЭХ

Д.Болор

Гэмт хэргийн тухай хуулийн төслийг хэлэлцэх эсэхийг УИХ-ын чуулганы нэгдсэн хуралдаанаар маргааш хэлэлцэнэ. УИХ-ын гишүүд энэрэнгүйн зарчмыг нь баримталсан энэ төсөл батлагдах ёстой гэдэгт санал нэгдэж байгаа ч хуулийн зарим зүйл заалт учир дутагдалтай байгаа талаар шүүмжилж байгаа юм. Тухайлбал “Хамгийн наад зах нь тухайн гэмт хэргийг аюултай, нөгөө хэсэг нь нийгмийн хор аюулаар бага гэж ангилах ёстой. Гэтэл одоогийн төслөөр ямар ч ангилалт байхгүй. Энэ нь цаашлаад мөрдөн шалгах, эрүүгийн байцаан шийтгэх, шүүхийн тухай зэрэг хуульд нөлөөлнө. Жишээлбэл, ямар хэрэгт мөрдөн байцаалт явуулах, ямар хэрэгт хялбаржуулсан богино хугацаанд ажиллах, ямар хэргийг шүүгч дангаараа шийдэх, ямар хэргийг хамтын бүрэлдэхүүнтэй шийдэх вэ зэрэг нь нийгмийн хор аюулаас шууд шалтгаалах зүйл. Нөгөө талаас Эрүүгийн хуульд ял завшуулах ноцтой заалтууд оруулах гэж байна” гэх шүүмжлэлийг хэлж байна. Хэрэв энэ төсөл батлагдвал хуулийн хэрэгжилтийн бэлтгэл ажлыг хангах гэж 1-2 жил зарцуулна гэж хууль боловсруулагчид онцолж байгаа юм.