Стандартчилал, хэмжил зүйн газар мэдээлж байна

“Дэлхийн хэмжил зүйн өдөр”-ийг  тохиолдуулан Стандартчилал, Хэмжил Зүйн Газар  ДЦС-4 ТӨХК-тэй хамтран “Хэмжил, эрчим хүчний тулгамдаж буй асуудал” сэдвээр семинарыг 2014 оны 05 дугаар сарын 19-ний өдөр амжилттай зохион байгууллаа.

Монгол Улсын эрчим хүчний тулгамдаж буй асуудлыг салбарын үйл ажиллагаа болон хэмжилзүйгээр дамжуулан шийдвэрлэх гарцыг тодорхойлохоор ДЦС-4 ТӨХК-ийн Хяналтын албаны инженер А.Батболд “ДЦС-4, дулааны хэмжил зүйн тулгамдаж буй асуудал, ХААИС, ШУТИС-ийн доктор, профессор багш нар “Эрчим хүчний хэмнэлт, чанарын үзүүлэлт”, “Эрчим хүчний хэмжил зүй”, “Эко барилга-эрчим хүчний хэмнэлт”, “Санко Соолар” ХХК-ийн захирал С.Хүрэлбаатар “Нарны зай үйлдвэрлэлийн онцлог, өнөөгийн байдал, хэтийн чиг хандлага”, ХБНГУ-ын Физик, техникийн хүрээлэнгийн зөвлөх эксперт, профессор Ханс Бахмаяр “Хэмжил ба эрчим хүчний тулгамдаж буй асуудал-Асуудлыг хэмжил зүйгээр шийдвэрлэх нь”, ХБНГУ-ын Техник хамтын ажиллагааны байгууллагаас хэрэгжүүлж байгаа “Эрчим хүчний хэмнэлт, үр ашгийн төсөл” зэрэг сэдвүүдээр илтгэлүүд тавигдлаа.

ISO 9001 ЧАНАРЫН УДИРДЛАГЫН ТОГТОЛЦООГ НЭВТРҮҮЛНЭ

“Хэмжих хэрэгсэл” ХХК нь 1998 оноос хэмжих хэрэгсэл худалдах, засварлах суурилуулах чиглэлээр дагнан үйл ажиллагаа явуулж буй компани юм. Анх 1998 онд Стандартчилал, Хэжилзүйн Үндэсний Төв (хуучин нэрээр)-ийн зөвлөлийн  240 дугаартай  “Жин хэмжүүр, хэмжих хэрэгсэл худалдах” ажил эрхлэх зөвшөөрлийг 2 жилийн хугацаатай авч байсан бөгөөд 2000, 2002, 2006, 2009 онуудад сунгуулан ажиллаж ирсэн.

2014 оны 05 дугаар сарын Хэмжил Зүйн Зөвлөлийн хуралдаанаар загварын туршилтад тэнцэж, Монгол Улсад ашиглахыг зөвшөөрсөн худалдааны болон хүнд даацын автомашины электрон, механик жин засварлах, суурилуулах, UPA, CS-V  загварын электрон жин, ХК3118T1, XK3190-A12SS, SCS маягийн автомашины электрон жин, ВНЦ, ВНО, РП, РЦ механик жинг худалдах тусгай зөвшөөрлийг нь 5 жилийн хугацаатай сунгах шийдвэр гарсан. Хэмжих хэрэгсэл худалдахын зэрэгцээ эрс тэс уур амьсгалтай цаг уурын нөхцөлд ажиллах чадвартай, хэмжүүрийн онцлог, хэмжлийн үр дүнгээс хамааран электрон буюу дижитал тоон заалттай, мэргэжлийн байгууллагын загварын туршилтад тэнцэж Монгол Улсад ашиглахыг зөвшөөрсөн болон Олон улсын хууль эрхийн хэмжил зүйн байгууллага (OIML) - аас зөвшөөрөгдсөн 50, 60, 80, 100, 150 тонны даацтай бүрэн програмчлагдсан автомашины болон вагон электрон пүү, кран болон дозаторын электрон жинг мэргэжлийн өндөр түвшинд суурилуулдаг.

Тус компани нь Стандартчилал, Хэмжил Зүйн  Газартай байгуулсан гэрээний үүргээ 100 хувь биелүүлж, хэрэглэгчдийн эрх ашгийг дээдлэн, тэдний итгэл найдварыг үргэлж хүндэтгэн ажиллаж, үйлчилгээндээ баталгаат хугацаа олгон, хэмжих хэрэгслийг улсын баталгаажуулалтад бүрэн хамруулан хүлээлгэн өгдөг.

Мөн тус компани 2014 оноос үйл ажиллагаа, үйлчилгээндээ ISO 9001 чанарын удирдлагын тогтолцоог нэвтрүүлэхээр зорин ажиллаж байна.