Ц.Мягмарбаяр Сэтгүүлчид хүний эрх, нийгмийн эрх, иргэний эрхийн тухай бичдэг ч социал эрхийн тухай бичихгүй байна. Социал эрхийн асуудал дэлхийн улс оронд хямрал болж байна. Хэвлэл мэдээллээр өгөх мэдээлэлд шүүлтүүр хийж эрэмбэлэхгүйгээс тэдний мэдээлэлд олон нийт итгэх байдал газар авч байна. Аливаа мэдээлэлд социал эрхийг хангана гэдэг нийгэмд өгөх мэдээлэл нэг стандарттай байх гэсэн үг. Нийгмээрээ ямар нэгэн шийдвэрт хүрч бусад эрхтэйгээ уялдуулан олон талт байдлыг талбар болгож гаргах хэрэгтэй. Тухайлбал, “орк”-уудын тухай бичихдээ янз бүрийн түүх бичих хэрэгтэй. Популистуудын нийгэмд янз бүрийн хэллэг хэрэглэж байна. Үүнийг шүүмжилж бичихээс илүүтэй эерэг түүх болгож гаргаж ирэх хэрэгтэй. Либерал үзэлтэй улс оронд социал эрхийг хангахад сэтгүүлчид гол үүрэгтэй гэж  Олон улсын харилцааны ёс зүйн Карнегийн консулын ахлах судлаач Александр Гоерлак  “Мэргэжлийн сэтгүүл зүй ба дижитал эрин үе” сэдэвт сэтгүүл зүйн ёс зүйн  форумын индрээс онцолж байна. Сэтгүүлчид, сошиалчдын ялгаа нь юун дээр харагдах вэ. Энэ асуултад  хариулт өгөх нь энэ удаагийн Ёс зүйн форумын онцлог юм байна.  Фэйсбүүк хэрэглээгээрээ Азид толгой цохиж яваа манай улсад цахим сүлжээний хэрэглэгчид “Бид сэтгүүлчдээс илүү ажиллаж байна” гэх болжээ. Харин зарим нь “Олон талт байр суурь, баталгаатай эх сурвалж, үнэн бодит мэдээлэлгүй дижитал орчинд хэн хүссэн нь юу дуртайгаа бусадтай хуваалцах нь худал хуурмагийг дэвэргэж байна” хэмээн тодорхойлж байна. Тэгвэл мэргэжлийн сэтгүүл зүй дижитал эрин үед ямар байх ёстой, мэргэжлийн ёс зүй энэ үед ямар үүргийг гүйцэтгэх талаар уриалга, зөвлөмж гаргах ажээ.   Эх сурвалж:www.polit.mn