
Т.ДАЛАЙ
Зурагтын шинэ эцсээс Баянхошууны уулзвар хүртэлх 4.6 км авто замыг өргөтгөн шинэчлэх ажил эхэлсэн билээ. Энэ ажлын хүрээнд ирэх баасан гаригаас эхлэн нэг сарын хугацаатай тус чиглэлийн хоёр км замыг хаахаар болжээ. Баянхошууны уулзвараас хотын төв рүү зорчих урсгалыг нэг чигийн хөдөлгөөнтэй болгож, харин сөрөг урсгалын хөдөлгөөнийг шороон замаар явуулах юм байна. Зам хааснаар гурван цэгт зам доогуурх борооны ус зайлуулах төмөр бетон дөрвөлжин хос хоолой угсрах ажлыг хийх юм. Мөн энэ хэсгийн 122 айлын хашаа, байшин, дэлгүүр зэрэг нь замын өргөтгөх зурваст орсон тул газар чөлөөлөх мэдэгдлийг хүргүүлжээ. Одоогийн байдлаар таван айл хашаагаа татаж газар чөлөөлөөд байгаа юм.