Д.Гэрэл

МУИС-ийн Хууль зүйн сургуулийн эчнээ, их дээд ангийн оюутнууд өнгөрсөн амралтын өдрүүдэд спортоор өрсөлдөж өнжлөө. Энэхүү тэмцээнийг эчнээ дөрөвдүгээр ангийн оюутнууд амжилттай зохион байгуулсан юм. Учир нь төгсөх эчнээ ангийн оюутнууд жил бүр спортын арга хэмжээ зохион байгуулдаг уламжлалтай ажээ. Сагсан бөмбөг, гар бөмбөг, теннисийн төрлөөр зургаан ангийн тамирчид хурд хүч, авхаалж самбаагаа сорисноос багийн нийт дүнгээр зохион байгуулагч эчнээ дөрөвдүгээр дамжааны баг тамирчид тэргүүлсэн байна. Тухайбал, энэ ангийн эрчүүд буюу Бат-Эрдэнэ ахлагчтай тамирчид сагсан бөмбөгийн төрөлд хүрэл, З.Цацрал ахлагчтай эмэгтэйчүүд алт,  волейболын төрөлд Ж.Эрдэнэсайхан ахлагчтай тамирчид мөнгө, теннисээр Д.Баярмаа, Мишигдорж нарын тамирчид тус бүр мөнгөн медаль хүртсэн байна. Харин шилдэг тоглогчоор эчнээ хоёрдугаар ангийн тамирчин М.Бямбажав бусдаасаа илүүрхсэн гэнэ. Спортын энэхүү арга хэмжээ нь эчнээ, их дээдийн ангийн оюутнуудын чөлөөт цагийг зөв боловсон өнгөрүүлэх, сагсан бөмбөг, гар бөмбөг, ширээний теннисний төрлүүдээр дамжуулан тэднийг хооронд нь танилцуулах, оюутан цагийн дурсамжыг үлдээх, сургуулийнхаа хөгжил дэвшлийн төлөө санал сэтгэгдлээ солилцох, цаашдын ажил, төрлийн холбоог нэмэгдүүлэхэд тэмцээний зорилго оршдог гэж тэмцээн зохион байгуулагч ангийн  дарга Дэлгэрмаа онцолсон юм.