Х.ОЮУНБОЛД ОХУ  Латин- америкийн орнуудтай үндэснийх нь мөнгөн дэвсгэртээр худалдаа хийх ажлыг хэрэгжүүлэхээр бэлдэж байна гэж Оросын худалдаа, аж үйлдвэрийн сайд Денис Мантуров “Спутник” агентлаг өгсөн ярилцлагынхаа үеэр мэдэгдсэн байна. Тэрээр  түнш орнуудынхаа мөнгөн тэмдэгтээр гүйлгээ хийх бол тийм хурдан хийгдэх ажил биш.  Мөн энэ нь АНУ-аас тавьсан хоригт хариу өгч байгаа хэрэг биш гэжээ. Түүнчлэн  Денис Мантуров энэ төсөл дээр бид олон жил ажиллаж байна.  Бидэнд  худалдааны банк, бидэнд ашиг өгөх орны төв банктай ажиллах практик, туршлага бий. Энэ орнуудын тоонд Ойрхи Дорнод, Латин- америк, Африк болон Зүүн өмнөд азийн орнууд орно” гэв.  Харин Европын холбооны гишүүн орнуудын тухай хэлэхдээ ОХУ эдгээр оронтой ам.долларыг хөрвүүлэхтэй холбогдсон хүндрэл байна. Мөн оросын олон компаниуд зарим оронтой үндэснийх нь мөнгөн тэмдэгтээр худалдаа хийж байгааг онцлов.  Ялангуяа АНУ-ын хоригт өртсөн  том компаниуд харилцагч орныхоо мөнгөн тэмдэгтээр худалдаа хийж байгаа гэж  Денис Мантуров тодрууллаа.  Ерөнхийдөө өөр оронтой үндэснийх нь мөнгөн тэмдэгтээр арилжаа хийх нь чухал ач холбогдолгүй гэв.  ОХУ-ын ерөнхийлөгч Владимир Путин өнгөрсөн тавдугаар сард  ОХУ  эдийн засгийн түнш орнуудтайгаа үндэснийх нь мөнгөн тэмдэгтээр гүйлгээ хийхэд бэлэн байгаагаа зарласан юм.  Мөн ОХУ-ын зэвсэг худалдаа  экспортыг хариуцдаг  “Рособороэкспорт” компанийн захирал Александр Михеев наймдугаар сарын сүүлээр ОХУ  батлан хамгаалахын салбарт хамтран ажилладаг түнш орнуудтайгаа худалдаа хийхдээ үндэснийх нь мөнгөн тэмдэгтийг ашиглах талаар судалж байна гэжээ. Эх сурвалж: mundo.sputniknews.com