Б.СОЛОНГО Хууль сахиулахын их сургууль 300 гаруй шинэ элсэгчээ хүлээж авлаа. Шинэхэн элсэгчид нь сонсогч цолоо авч, цэргийн тангараг өргөв. [caption id="attachment_45001" align="alignnone" width="960"] Хууль сахиулахын их сургууль хууль сахиулагчдыг бүх шатны сургалтаар дагнан бэлтгэдэг, энэ чиглэлээр судалгааны ажил явуулдаг Монгол Улсын цорын ганц их сургууль билээ.[/caption] [caption id="attachment_44998" align="alignnone" width="960"] Тус сургууль нь Хууль сахиулахын удирдлагын академи, Ахисан шатны боловсролын сургууль, Шинжлэн магадлахуйн институт зэрэг бүрэлдэхүүн 10 сургуультайгаар сургалт, эрдэм шинжилгээний үйл ажиллагаа явуулдаг.[/caption] [caption id="attachment_45000" align="alignnone" width="960"] Шинэ элсэгчдэд сонсогч цол олгож, тангараг өргүүлэх үйл ажиллагааны нээлтийн үеэр тус сургуулийн захирал, профессор, цагдаагийн хурандаа Ө.Энхтөр “Та бүхэн эх орны хүүхдүүд болж, төрийн тусгай албаны ажилтан, хууль сахиулагч болох анхны алхмаа хийж байна” гэж онцоллоо.[/caption] [caption id="attachment_45003" align="alignnone" width="960"] Хууль сахиулах их сургуулийн удирдлага, зохион байгуулалт, менежмент, эмх цэгттэй байдлаас зарим их, дээд сургуулийн удирдлагууд санаа авч, суралцах хэрэгтэйг БСШУС-ын сайд Ц.Цогзолмаа тус сургуулийн өвөлжилтийн бэлтгэл байдалтай танилцах үеэрээ онцолж байжээ.[/caption] [caption id="attachment_44996" align="alignnone" width="960"] Шинэ элсэгчдийн тангаргийн баяртай давхцсан бас нэгэн үйл явдал бол манай улсын 100 гаруй их, дээд сургуулийн удирдлагууд тэнд цугласан явдал байлаа. Тэд тангарах өргөх ёслолыг мөн үзэж сонирхсон юм.[/caption] [caption id="attachment_45002" align="alignnone" width="960"] “Сургалтыг бид яагаад Хууль сахиулахын их сургууль дээр хийсэн бэ гэхээр энэ сургууль бол Монгол Улсын нийгмийн амьдралын хэм хэмжээг зохицуулах маш том үүрэгтэй сургууль. Энэ сургуулийн оюутнууддаа хандаж байгаа байдал, багш нарын үйл ажиллагаа нь нийгмийн төлөө гэсэн онцлогтой байдаг” гэж БСШУСЯ-ны дээд боловсролын бодлогын газрын дарга Т.Амаржаргал онцлов.[/caption] [caption id="attachment_44993" align="alignnone" width="960"] Олон улсын Улаанбаатарын их сургуулийн дэд захирал Ц.Сүхбаатар: Хууль хүчний сургууль гэдэг аливаа улсын төрийн дархлаа хүчирхэг байгааг илэрхийлдэг онцлогтой. Монгол Улсын хувьд төрийн албан хаагчдын үүрэг хариуцлагыг нэмэгдүүлэхэд хүчний байгууллагын сургуулийн оюутнуудад сайн хөтөлбөрөөр сайн мэдлэг өгч байгаа нь маш ач холбогдолтой.[/caption] Эх сурвалж: www.polit.mn