Э.АРИУНЖАРГАЛ Өвөрмонголын мэс заслын эмч, эрүүл мэндийн зөвлөх, доктор, профессор А. Мөнхөө ирэх сарын 2-ны өдөр “Саруул ухаанаар эрүүл биеийг бүтээе” лекцээ “UB palace”-ийн их танхимд Монголын ард түмэнд зориулан унших юм байна. Тэрээр  анагаах уааны салбар, технологи хөгжихийн хэрээр хүмүүсийн өвчлөл улам нэмэгдэж байгааг учраас 1995 оноос судалгаагаа эхлүүлж, судалгааны үр дүнд гарсан олон жишээ баримт болон, өөрийн боловсруулсан цогц хичээлээрээ дамжуулан уг хичээлээ заах аж. Ирэх сарын 2-нд тавигдах уг лекц дөрвөн цаг  үргэлжлэх бөгөөд лекцийнхээ хүрээнд

• Эрүүл амьдрах арга ухаан,
• Эрүүл зөв хооллолтын хичээл,
• Сэтгэлзүйн энгийн мэдлэг,
• Төрөлх чадвараа сэргээх хичээл,
• Сайн энерги хуримтлуулах хичээл,
• Эд эрхтний тамир сэргээх дасгал,
• Тайвшруулан амраах бясалгал зэрэг эдгээр аргуудыг заах юм.

Тэрээр 2014 оноос хойш Монгол Улсад эрүүл мэндийн сургалт явуулж, хэд хэдэн ажил албыг хашиж байх үедээ өдөр бүр лекц уншин, бясалгал зааж байсан. Түүний хичээлүүд нь энгийн зүйлс дээр үндэслэн эрүүл байх утга учрыг ойлгуулж төлөвшүүлдгээрээ онцлогтойг “Сайн энергийн төв” ТББ-ийн гишүүн онцолж байсан юм. Үүнээс гадна цогц хичээлүүдэд суралцсан олон мянган хүн зүрх судасны өвчин, сахар, даралт, цусны өөхлөлт, элэгний өөхлөлт, үе мөчний өвчин, сэтгэл санаа тогтворгүй байх, нойр хулжих гэх мэт бие сэтгэлийн өвчин зовиураас эрүүл бөгөөд энгийн аргуудын тусламжтайгаар салжээ. А. Мөнхөө  “Буруу хооллолт, хөдөлгөөний дутагдал, хорт зуршил зэргээс үүдэлтэй халдварт бус өвчнүүд дэлхий нийтэд хүн амын өвчлөл, нас баралтын гол шалтгаан болж байна. Нийгмийн эрүүл мэндийн энэхүү асуудал нь амьдралын хэвшил, дадал зуршилтай шууд холбоотой.  Тиймээс мэргэжлийн хүний тусламжтайгаар, тусгай цогц хичээлээр эрүүл амьдрах үндсийг тавьж өгвөл хэн бүхэн эрүүл байх боломжтой. Өнөөдрийн эрүүл хүн маргаашийн эрүүл хүнийг бий болгоно. Өөрөө өвчин тусаад үр удамдаа өвчнөө үлдээнэ гэдэг бол нүгэл юм. Тэгэхээр эрүүл байх гэдэг бол энгийн зүйлээс улбаатай” гэв. Эх сурвалж: www.polit.mn