Х.ОЮУНБОЛД АНУ-ын Төрийн департаментийн албан хаагч “АНУ ирэх сарын 4-нд Москвад болох Афганистанд энхтайвныг тогтоохыг  тухай хэлэлцэх хуралд оролцохгүй. Учир нь энэ санаачлага нь Афганистанд энхтайвныг тогтоох ямар ч гэрээ байгуулахад ахиц гаргахад нөлөөлөхгүй”   “Спутник”  агентлагт ярьсан байна. Түүнчлэн Афганистанд энхтайван тогтоох хэлэлцээр байгуулахын тулд Афганистаны өмчлөлтэй холбоотой санаачилгыг дэмжиж байна” гэв.   Өмнө нь энэ асуудлаар хуралдаж байсан хурлаас үзвэл  энхтайван тогтоох зорилготой хийж байгаа энэ удаагийн уулзалт тодорхой үр дүнд хүрэх магадлал тун бага гэж үзэж байгаагаа илэрхийлжээ. Харин ОХУ-ын Гадаад хэргийн сайд Сергей Лавров АНУ-ын төлөөлөгчдийг Афганистан, ОХУ хамтран даргалах энэ хуралд оролцохыг урьсан гэж мэдэгджээ. ОХУ-ын Гадаад яамны Азийн  II хэлтсийн  дарга Замир Кабулов “Москва энэ хуралд Талибаны радикал хөдөлгөөний төлөөлөгчдийг оролцоно гэж найдаж байна” гэж Спутник” агентлаг ярьсан байна. Тэрээр энэ  уулзалтын үеэр Талибан, Афганистаны эрх баригчдын хооронд өрнөсөн дайны галыг зогсоох тухай хэлэлцэхээр төлөвлөж байна. Гэхдээ ганц үүгээр зогсохгүй. Үндэсний эв нэгдлийг тогтворжуулах хандлагыг бий болгох, найрамдал тогтоохыг хүсч байна гэжээ. Эх сурвалж: “Зууны мэдээ” сонин