С.САРУУЛ Хоёр хоногийн өмнө буюу 2018.08.19-ны өдөр  Дархан уул аймгийн цагдаагийн газарт “Таван настай охин гэрийнхээ гадаа тоглож байгаад алга боллоо” гэсэн дуудлага мэдээлэл ирсний дагуу улсын хэмжээнд хоёр хоног эрэн сурвалжилсан юм. Тэгвэл таван настай охин “Э”-г олжээ. Таван настай охин “Э”-г 37 настай эмэгтэй, эрхэлсэн тодорхой ажилгүй, Хан-Уул дүүрэгт оршин суух иргэн “Б” гэгч Баянзүрх дүүргийн нутагт дэвсгэрт хулгайлан авч явж байхад нь Эрүүгийн цагдаагийн албаны алба хаагчид илрүүлэн баривчилж шалгалтын ажиллагаа үргэлжилж байна. Одоогоор охины биед гадна харагдах гэмтэл шарх, сорви байхгүй гэнэ. Хуулийн заалт: 13.2 дугаар зүйл.Хүн хулгайлах 1.Хохирогчид хүч хэрэглэж, хүч хэрэглэхээр заналхийлж, хууран мэхэлж, эсхүл сэтгэцийн өвчтэй, согтуурсан, мансуурсан, сэтгэцийн үйл ажиллагаа нь түр сарнисан, бусад өвчний улмаас биеэ хамгаалах, эсэргүүцэл үзүүлэх чадваргүй байдлыг ашиглаж эрхшээлдээ оруулан авч явсан бол нэг жилээс таван жил хүртэл хугацаагаар хорих ял шийтгэнэ.  Эх сурвалж: www.polit.mn