ҮМТ: Алтны компаниудыг зогсоохыг шаардав

Нүүр

Геополитик

ҮМТ: Алтны компаниудыг зогсоохыг шаардав

2018-08-16

Нийтэлсэн: Админ

1 мин

ХУВААЛЦАХ

ЖИРГЭХ

П.ОТГОНДАЛАЙ “Дэлхийн Монгол ногоон нэгдэл” төрийн бус байгууллагаас өчигдөр хэвлэлийнхэнд мэдээлэл өглөө. Тэд энэ сарын 9-нөөс Төв аймгийн Заамар сум болон Булган аймгийн Бүрэгхангай суманд ажиллаад иржээ. Тухайн сумдад ажиллаж байхад алтны компаниуд Туул голын гольдрилд алт олборлож байгаль орчинд онц ноцтой хохирол учруулж байсныг илрүүлсэн талаар хэллээ. Эдгээр компаниудын үйлдлийг зураг болон дүрст бичлэгээр баримтжуулж, үйл ажиллагааг нь таслан зогсоохыг шаардсан албан бичгийн хамт Байгаль орчин, аялал жуулчлалын сайд Н.Цэрэнбатад уламжлахаар болсон гэв. “Хэрэв салбарын сайд нь энэхүү үйлдлийг таслан зогсоох арга хэмжээ авахгүй бол бид дараагийн арга хэмжээг авах болно. Н.Цэрэнбат сайд байгаль орчинд ноцтой хохирол учруулж байгаа компаниудын үйл ажиллагааг зогсоож чадахгүй бол сайд байж чадах уу, үгүй юу гэдэг асуудал яригдана. Гэхдээ бид итгэж байна. Хамтран ажиллахад бэлэн байна” гэж “Дэлхийн Монгол ногоон нэгдэл” төрийн бус байгууллагын тэргүүн Х.Бээжин хэллээ. Эх сурвалж: www.polit.mn