“Зүүн хойд Азийн төмөр замын хамтын нийгэмлэг”-ийг үүсгэн байгуулж болно гэв

Нүүр

Дэлхийн улс төр

“Зүүн хойд Азийн төмөр замын хамтын нийгэмлэг”-ийг үүсгэн байгуулж болно гэв

2018-08-16

Нийтэлсэн: Админ

1 мин

ХУВААЛЦАХ

ЖИРГЭХ

Д.ЭНХЭЭ БНАСАУ-тай хамтрах интеграцийг “Зүүн хойд Азийн төмөр замын хамтын нийгэмлэг” -ийг үүсгэн байгуулахаас эхэлж болох юм гэж Өмнөд Солонгосын Ерөнхийлөгч Мүн Жэ Ин мэдэгдлээ хэмээн Yonhap агентлаг өчигдөр мэдээллээ. Түүний хэлснээр энэхүү хамтын нийгэмлэгт Зүүн хойд Азийн зургаан улс болон АНУ багтах аж. Өмнөд Солонгосын Ерөнхийлөгчийн ордноос хожим нь тодруулснаар зургаан орны тоонд хоёр Солонгос, ОХУ, Хятад, Монгол, Япон улс орох юм байна. Мүн Жэ Ин Японы дарангуйллаас Солонгос улс чөлөөлөгдсөн үйл явдалд зориулсан ёслол дээр “Энэхүү хамтын нийгэмлэг манай эдийн засгийн бүсийг хойд тив рүү тэлж, Зүүн хойд Азид хамтран оршиж, цэцэглэн хөгжих үндэс суурь бүрдүүлэх замаар Зүүн хойд Азид эрчим хүчний болон эдийн засгийн блок бүрдэж бий болоход хүргэнэ” хэмээн мэдэгджээ. Энэ бол “Зүүн хойд Ази дахь аюулгүй байдлын олон талт тогтолцооны эхлэл болно” хэмээн Ерөнхийлөгч хэлсэн байна. Европын холбоо бол нүүрс, гангийн салбарын нэгдэл маягаар анх үүссэнийг Өмнөд Солонгосын лидер сануулсан байна. Цөмийн зэвсгийг бүрэн устгасны дараа л бүрэн дүүрэн интеграц боломжтой хэмээн Мүн Жэ Ин нэмж тайлбарлажээ. Эх сурвалж: “Зууны мэдээ” сонин

ХШТХ: Оюу толгойн үр өгөөжийг 3 жил тутам харилцан хянахыг дэмжив

Хянан шалгах түр хорооны өнөөдөр /2026.12.24/-ийн хуралдаанаар Оюу толгой бүлэг ордын ашиглалтад Монгол Улсын эрх ашгийг хангуулах, хүртэх өгөөжийг нэмэгдүүлэх хүрээнд хийсэн тусгай шалгалт, сонсголын мөрөөр авч хэрэгжүүлэх арга хэмжээний тухай УИХ-ын тогтоолын төслийг хэлэлцлээ.

3 цаг 32 мин

Ундны ус гүн цэвэршүүлэх болон хаягдал ус дахин боловсруулах үйлдвэрийн туршилт тохируулгын ажлыг хийж байна

Монгол Улсын Засгийн газар, АНУ-ын Мянганы сорилтын корпорац хооронд 2018 оны 7 дугаар сарын 27-ны өдөр байгуулсан Мянганы сорилтын хоёр дахь Компакт гэрээгээр “Улаанбаатар хотын нийт ус хангамжийг нэмэгдүүлэх хөтөлбөр”-ийг АНУ-ын Засгийн газрын 350.0 сая ам. долларын буцалтгүй тусламж, Монгол Улсын Засгийн газрын 111.7 сая ам. долларын хөрөнгө оруулалтаар хэрэгжүүлж байна. Компакт гэрээ 2026 оны гуравдугаар сарын 31-ний өдөр дуусгавар болно.

6 цаг 56 мин