П.ОТГОНДАЛАЙ Ирэх сарын сүүлчээр Зүүн хойд Ази номхон далайн орнуудын хөгжлийн бэрхшээлтэй иргэдийн ээлжит VIII чуулган болох аж. Энэ удаагийн хурлыг “Монголын хөгжлийн бэрхшээлтэй иргэдийн холбоо” зохион байгуулж буй талаар өнөөдөр мэдээлэл хийлээ. Тус холбооны ерөнхийлөгч Ц. Мөнхсаруул “Ирэх сард болох ээлжит чуулган манай улсад болно. Энэ үеэр гадны төлөөлөгчид оролцох бөгөөд Улаанбаатарын тунхаглалыг батлах юм. Өөрөөр хэлбэл, хурлыг зохион байгуулсан орон бүр тунхаглал баталдаг гэсэн үг. Ингэснээр хөгжлийн бэрхшээлтэй иргэдийн эрх ашгийг хамгаалах, хуульд нийцсэн үйл ажиллагаа явуулах нөхцлийг бүрдүүлдэг” гэв. Ээлжит чуулганыг зохион байгуулах зардалд 34 сая төгрөг зарцуулах юм байна. Үүнээс 9.5 сая төгрөгийн Хөдөлмөр, нийгмийн хамгаалалын яамнаас гаргажээ. Түүнчлэн  нийслэлээс таван сая төгрөг баталж өгсөн хэмээн тэрээр онцоллоо. Тиймээс чуулганыг зохион байгуулах хөрөнгийн эх үүсвэр шаардлагатай байгаа тул ард түмнээсээ хандив өргөхийг хүсч буйгаа Монголын хөгжлийн бэрхшээлтэй иргэдийн холбооноос хүссэн юм. “Монголын хөгжлийн бэрхшээлтэй иргэдийн холбоо”-нд 134 мянга гаруй гишүүнтэй аж. Дашрамд, Тус чуулган хоёр жил тутам зохион байгуулагддаг бөгөөд 2016 онд БНХАУ-ын Шанхай хотод зохион байгуулагдсан ээлжит VII чуулганы үеэр дараагийн хурлыг Монгол Улсад зохион байгуулах тов гарсан юм байна. Хандивын данс: Голомт банк 2205022428 Эх сурвалж: www.polit.mn