С.САРУУЛ Гэнэтийн аадар борооны улмаас Улаанбаатар-Сайншандын чиглэлийн  суудлын 286-р галт тэрэг осолдож 80 гаруй хүн эмнэлгийн тусламж үйлчилгээ авсан юм. Мөн өнгөрсөн хоёр хоногт Орос, Монголын төмөр замчид шуурхай ажиллаж өчигдөр орой /2018.08.13/ 22:00 цагт хөдөлгөөнийг нээжээ. Тэгвэл осол болох үед  галт тэргэнд зорчиж явсан нийт зорчигчид, цуваанд ажил үүргээ гүйцэтгэж явсан төмөр замын болон бусад холбогдох байгууллагын ажиллагсад тус бүрт 300,000 төгрөгийг нэг удаа олгох “Ган зам даатгал” ХХК шийдвэрлэжээ. Тусламжийг УБТЗ-ын мэдээлийн санд бүртгэгдсэн зорчигчдын жагсаалтыг үндэслэж олгох бөгөөд галт  тэргэнд сууж явсан нийт зорчигчид өөрийн зорчих эрхийн тасалбар, иргэний үнэмлэх, албан үүргээ гүйцэтгэж явсан хүмүүс албан байгууллагынхаа тодорохойлолт, ажлын үнэмлэхийн хамт “Ган зам даатгал” ХХК-д хандах юм байна. Харин осол гарсан өдөр гэмтэл бэртэл авч, төв, орон нутгийн эмнэлэгт хүргэгдэн хэвтэн эмчлүүлж байгаа хүмүүст 300 мянган төгрөгийг бэлнээр олгосон байна.  Хаяг: Баянгол дүүрэг, Сөүлийн гудамж 45/3, “Одод” цогцолбор-201 тоот Холбоо барих утас: (21) 242667, (21) 242668 И-мэйл: daatgal@gzd.mn Эх сурвалж: www.polit.mn