С.САРУУЛ Зам тээврийн хөгжлийн яамны газрын дарга нар ажлынхаа байранд согтууруулах ундаа хэрэглэж нэгнийхээ аминд хүрсэн. Мөн Сайншанд чиглэлийн галт тэрэг осолдож олон хүн эрүүл мэндээрээ хохирсон харамсалтай хэргүүд гарч яамны удирдлагуудыг бүрэлдэхүүнээр нь огцруулах шийдвэрийг Засгийн газраас гаргасан. Засгийн газрын ээлжит бус хуралдаанаар ЗТХ-ийн сайд Ж.Бат-Эрдэнэ, дэд сайд Б.Цогтгэрэл, ТНБД Ж.Бат-Эрдэнэ болон газрын дарга нарыг ажлаас нь чөлөөлсөн юм. Тэгвэл Зам тээврийн хөгжлийн яаманд гарсан хүн амины хэрэгтэй холбогдуулан Төрийн тусгай хамгаалалтын газрынханд хариуцлага тооцжээ. Тагнуулын Ерөнхий газрын даргын тушаалаар Төрийн тусгай хамгаалалтын газрын орлогч дарга  Г.Баярмагнайг ажлаас нь чөлөөлж, орлогч дарга Д.Батбаатарын хамгаалалтын нэмэгдэл хассан бол хэд хэдэн ажилтныг цалингийн хувиар торгож сахилгын шийтгэл ногдуулсан байна. Эх сурвалж: www.polit.mn