МАН-ын бага хурал 52.8 хувийн ирцтэй эхэллээ

Нүүр

Геополитик

МАН-ын бага хурал 52.8 хувийн ирцтэй эхэллээ

2018-08-06

Нийтэлсэн: Админ

1 мин

ХУВААЛЦАХ

ЖИРГЭХ

Т.САЙХАН МАН-ын бага хурал өнөөдөр /08.06/ 10.00 цагт эхэллээ. Одоогоор гишүүдийн ирц 52.8 хувьтай байна. Намын дарга У.Хүрэлсүх бага хурлыг нээсэн бол бага хурлын даргаар Ө.Энхтүвшин, орлогчоор Г.Хэрлэнчулууныг сонгов. МАН-ын Бага хурлыг даргалагч Ө.Энхтүвшин хэлэхдээ өнөөдрийн бага хурлаар хоёр асуудал хэлэлцэнэ гэснийг Бага хурлын гишүүд дэмжлээ. Үүнд: 1. УИХ-ын 42 дугаар тойргийн нөхөн сонгуульд нэр дэвшүүлэх, 2. Нэр дэвшүүлэх журам батлах тухай юм байна. Нөхөн сонгуульд оролцох нам, эвсэл наймдугаар сарын 8-наас өмнө хуульд заасан бичиг баримтуудыг Сонгуулийн ерөнхий хороонд гаргаж өгөх ёстой. Улмаар СЕХ наймдугаар нарын 12-ны дотор нам, эвслийг бүртгэж, батламж олгох юм. МАХН-ын хувьд өнгөрсөн долдугаар сарын 7-нд Бага чуулганаа хуралдуулж, Хэнтий аймгийн 42 дугаар тойргийн нөхөн сонгуульд оролцоно гэдгээ албан ёсоор зарласан. Энэ долоо хоногт МАН, АН хоёр нөхөн сонгуульд ямар байдлаар оролцох нь тодорхой болох юм. Эх сурвалж:www.polit.mn