Д.АРИУН Арменийн нэрт хошин шогийн жүжигчин Айк Марутян Ереван хотын даргын сонгуульд тус улсын Ерөнхий сайд Никол Пашиняны удирддаг намаас нэр дэвшиж байгаа юм. Ерөнхий сайдын тэргүүлдэг “Иргэний гэрээ” намын хурлаас ийм шийдвэр гаргасныг өнгөрсөн ням гаригт тус намын хэвлэлийн албанаас мэдээлсэн байна. Хошин шогийн жүжигчин Айк Марутян өнгөрсөн дөрөвдүгээр сард тус улсад болсон эсэргүүцлийн арга хэм­жээний үеэр тухайн үеийн сөрөг хүчний удирдагч Никол Пашиняныг тууштай дэмжиж байсан хүмүүсийн нэг бөгөөд тавдугаар сард намд элссэн гэж kp.ru бичжээ. Айк Марутян  сонгуульд өрсөлдөхөөр болсон тухайгаа орон нутгийн хэвлэлд ярихдаа “Хотын дарга заавал албан тушаалтан байх албагүй. Тэр бол бидний нэг, манай хотын иргэдийн нэг нь байх ёстой” гээд Ереван хотын  иргэдтэйгээд хамт хотынхоо асуудлыг шийднэ гэж хэлсэн байна. Ереван хотын даргын сонгууль есдүгээр сард болох юм. Эх сурвалж: “Зууны мэдээ” сонин