ОУОХ “Родченковын хууль”-ийг шүүмжлэв

Нүүр

Дэлхийн улс төр

ОУОХ “Родченковын хууль”-ийг шүүмжлэв

2018-07-31

Нийтэлсэн: Админ

1 мин

ХУВААЛЦАХ

ЖИРГЭХ

Д.ЭНХЭЭ Хориглосон эм, бэлдмэл хэрэглэсэн тохиолдолд шоронд хорих хугацаа заасан “Родченковын хууль”-ийг АНУ баталж магадгүй байгаатай холбогдуулан Олон улсын олимпийн хороо (ОУОХ) шүүмжилсэн тухай Inside The Games мэдээлжээ. “Допингийн эсрэг тэмцэлд АНУ-ын авч хэрэгжүүлж байгаа алхмуудыг бид талархан хүлээж авдаг. Гэхдээ энэ хуулийн төсөл нийт 206 үндэсний олимпийн хорооны төлөөлөгчид, ОУОХ-ны гишүүдийг хөндөж магадгүй байгаа нь бидний санааг зовоож байна” хэмээн байгууллагын төлөөлөгч порталд мэдэгджээ. Энэ хуулийн хүрээнд бусад улс орны иргэдийг АНУ-д эрүүгийн хариуцлагад татах болж байгаа нь “гайхмаар” зүйл гэж ОУОХ үзэж байгаа юм байна. “Родченковын хууль” -д допинг бэлтгэж, түгээж, эсвэл хэрэглэсэн этгээдийн эсрэг авах шийтгэлийн арга хэмжээг тусгасан бөгөөд Америкийн тамирчид, эсвэл байгууллагууд оролцож байгаа олон улсын бүх тэмцээн үүнд хамаарах ажээ. Уг хуулийн хүрээнд нэг сая доллар хүртэлх мөнгөн торгууль, мөн шоронд хорих хугацаа (гэмт хэргийн хүнд, хөнгөнөөс хамаарч арав хүртэл жил) зэргийг тусгажээ. Хуулийг допингийн эсрэг Москвагийн лабораторийн эрхлэгч асан Григорий Родченковын нэрээр нэрлэжээ. Тэрээр 2016 онд АНУ-д зугтан гарч Дэлхийн допингийн эсрэг агентлагийн (WADA) мэдээлэгч болсон. Түүний мэдүүлгүүд Ричард Макларены ахалсан бие даасан комиссын илтгэлийн үндэс суурь нь болсон. Үүний үр дүнд ОХУ-ын нэлээд хэдэн тамирчин олон улсын тэмцээн болон Олимпод оролцох эрхээ хасуулсан билээ. Эх сурвалж: “Зууны мэдээ” сонин

ХШТХ: Оюу толгойн үр өгөөжийг 3 жил тутам харилцан хянахыг дэмжив

Хянан шалгах түр хорооны өнөөдөр /2026.12.24/-ийн хуралдаанаар Оюу толгой бүлэг ордын ашиглалтад Монгол Улсын эрх ашгийг хангуулах, хүртэх өгөөжийг нэмэгдүүлэх хүрээнд хийсэн тусгай шалгалт, сонсголын мөрөөр авч хэрэгжүүлэх арга хэмжээний тухай УИХ-ын тогтоолын төслийг хэлэлцлээ.

3 цаг 45 мин

Ундны ус гүн цэвэршүүлэх болон хаягдал ус дахин боловсруулах үйлдвэрийн туршилт тохируулгын ажлыг хийж байна

Монгол Улсын Засгийн газар, АНУ-ын Мянганы сорилтын корпорац хооронд 2018 оны 7 дугаар сарын 27-ны өдөр байгуулсан Мянганы сорилтын хоёр дахь Компакт гэрээгээр “Улаанбаатар хотын нийт ус хангамжийг нэмэгдүүлэх хөтөлбөр”-ийг АНУ-ын Засгийн газрын 350.0 сая ам. долларын буцалтгүй тусламж, Монгол Улсын Засгийн газрын 111.7 сая ам. долларын хөрөнгө оруулалтаар хэрэгжүүлж байна. Компакт гэрээ 2026 оны гуравдугаар сарын 31-ний өдөр дуусгавар болно.

7 цаг 9 мин