Ч.ЗОТОЛ -Гандантэгчинлэн хийдийн тэргүүн, хамба лам Д.Чойжамцын нарийн бичгийн дарга  Б.Бүрнээд эрүүгийн хэрэг үүсгэлээ, прокурор  хянаад   яллагдагчаар татжээ гэсэн мэдээлэл гараад байна. Энэ талаар Б.Бүрнээ ламтай холбогдоход “Хуулийн зөвлөхөөс тодруулна  уу” гэсэн хариу өгөв. Гандантэгчинлэн хийдийн хуулийн зөвлөх  Ө.Батбаяраас цөөн асуултад хариу  авснаа хүргэж байна. -Б.Бүрнээ ламтай холбоотой эрүүгийн хэрэг үүссэн гэх мэдээлэл үнэн үү. Ямар учраас ийм асуудал үүссэнийг тодруулна уу? -Өнгөрсөн жилийн наймдугаар сарын 4-ний өдөр  Бурхан шашны шинэ төвийн тэргүүн З.Санждорж лам Гандантэгчинлэн хийд дээр ирсэн байдаг. Тухайн үед зодоон болоогүй байтал З.Санждорж лам “Намайг зодчихлоо, цохичихлоо” гэж гүтгэсэн.  Юу болсныг  харсан,  гэрчлэх  хүн олон  бий. Бичлэг хүртэл байгаа.  Гэтэл эрүүгийн хэрэг үүсгэж,  хуулийн байгууллага шалгаж байгаа. -Хэрэг шалгах явц ямар шатандаа байгаа юм бол? -Хэрэг шалгалтын явцад байгаа. Аливаа хэргийг  шалгаж шүүхээр гэм буруутайг эцэслэн тогтоогоогүй байхад тухайн хүнийг буруутай гэж үзэж болохгүй. Иймээс энэ талаар ташаа мэдээлэл гаргаж байгаа хэвлэл, мэдээллийн байгууллагуудад гомдол гаргаж, хуулийн байгууллагуудад өгч байгаа. Эх сурвалж: www.polit.mn