Т.МӨНГӨНЗУЛ Дэлхийн хепатитын өдрийг угтан Оном сангаас  хэрэгжүүлж буй  олон талт үйл ажиллагааг олон нийтэд танилцуулах зорилготой “Элэг бүтэн Монгол  үндэсний хөтөлбөрийн хэрэгжилтэнд  дэлхийн хамгийн сүүлийн үеийн дэвшилтэт технологийг  ашиглах нь“ сэдэвт нээлттэй танилцуулгыг хийлээ. Оном сан, Монголын элэгний эмч нарын нийгэмлэг, Монголын гастроентрелогийн холбоо    хамтран  “Элэг бүтэн Монгол”   үндэсний хөтөлбөрийн үндэс  болсон  “Эрүүл элэг “ хөтөлбөрийг 2014 оноос санаачлан хэрэгжүүлсэн. Үүний  дүнд 2016 онд   Засгийн газраас  2016-2020 он гэхэд элэгний С вирус ,  хавдар, хатуурлын нас баралт, халдварыг устгаж,  таслан зогсоох “Элэг бүтэн Монгол” хөтөлбөрийг амжилттай хэрэгжүүлж   жишиг хөтөлбөр болсон юм. Танилцуулгын үеэр Элэгний төв,  АНУ-ын  Сейпхейд корпорацитай хамтран хөдөөгийн  иргэдийг орон нутагтаа дээж тээвэрлэхгүйгээр хепатитын вирүсын шинжилгээ хийдэг 50 ширхэг Cepheid GeneXpert  төхөөрөмж, нийт 2,8 орчим тэрбум төгрөгийн үнэ бүхий системийг  Монгол Улсад   нэвтрүүлэх гэж байгаагаа мэдэгдлээ. Ингэснээр тус хөтөлбөрийн хүрээнд хөдөө орон нутгийн иргэд сумандаа шинжилгээ хийлгэх боломтой болох бөгөөд   дээж тээвэрлэхэд гардаг эсийн задрал, хүнээс шалтгаалсан алдаа гарахгүй, мөн  цаг хугацааны алдагдалгүй хүний хэрэгцээнд ойр байх зэрэг олон боломж бүрдэх юм байна. “Элэг бүтэн Монгол” хөтөлбөрийн хүрээнд  дэлхий  даяар тархан суурьшсан монголчууддаа зориулан Оном сангаас санаачлан хэрэгжүүлж байгаа Элэгний  вирүсийг  илрүүлье, эмчилье зорилтот хөтөлбөрийн хүрээнд гадаадад ажиллаж, амьдарч байгаа монголчууд элэгний вирүсын эрт илрүүлэг, оношлогоо, эмчилгээнд хамрагдах боломжтой болох ажээ.  Энэ  ажил ирэх  сарын 19-нд  Америкийн Нэгдсэн Улсын Калифорни  мужийн Лос Анжелос хотод зохион байгуулагдах юм байна. Эх сурвалж: www.polit.mn