С.САРУУЛ Монгол Туркийн хамтарсан "Улаанбаатар Эмпати" сургуулийн захирал Вейсел Аксайг  өнөөдөр /2018.07.27/ хулгайлж, улмаар Чингис хаан олон улсын нисэх буудалд хүргээд байгаа юм. Энэхүү үйл явдалтай холбоотойгоор төрийн тусгай хамгаалалтынхан болон холбогдох албаны хүмүүс газар дээр нь ажиллаж байгаа юм.  Үүссэн нөхцөл байдлын талаар Гадаад харилцааны дэд сайд Б.Батцэцэг “Гадаад харилцааны яам дотоодын холбогдох байгууллагуудаас тодруулахаар ажиллаж байна. Гадаад харилцааны сайд Д.Цогтбаатараас өгсөн чиглэлийн дагуу хөдөө орон нутагт ажиллаж буй БНТУ-аас Монгол Улсад суугаа Элчин сайд Ахмет Язалтай утсаар ярьж, мөн ЭСЯ-ны Түр хамаарагчийг дуудаж уулзан БНТУ-ын иргэн Вейсел Акчайг хулгайлсан гэх асуудлыг тодруулахад Турк Улс нь Монгол Улсын тусгаар тогтнол, бүрэн эрхт байдлыг хүндэтгэдэг бөгөөд Монгол Улсын нутаг дэвсгэрт хууль зөрчсөн аливаа үйл ажиллагаа, тэр дундаа  хүн хулгайлах ажиллагаа огт явуулаагүй хэмээсэн. Мөн тэрбээр Турк Улсын Гадаад хэргийн сайд Мевлүт Чавушолу энэхүү асуудлаар Гадаад харилцааны сайд Д.Цогтбаатартай утсаар ярих хүсэлт тавьсан. Чингис хаан ОУНБ-д буугаад байгаа Турк Улсын тусгай үүргийн онгоцыг дээрх асуудал тодорхой болтол нисгэхгүй байх чиглэлийг холбогдох байгууллагуудад өгөөд байна” гэсэн мэдээллийг өглөө. Эх сурвалж: www.polit.mn