БНАСАУ-д спортын тоног төхөөрөмж нийлүүлэх ОУОХ-ны санал хүсэлтэд АНУ хориг тавив

Нүүр

Дэлхийн улс төр

БНАСАУ-д спортын тоног төхөөрөмж нийлүүлэх ОУОХ-ны санал хүсэлтэд АНУ хориг тавив

2018-07-27

Нийтэлсэн: Админ

1 мин

ХУВААЛЦАХ

ЖИРГЭХ

Олон улсын олимпийн хорооны ерөнхийлөгч Томас Бах

© Валерий Шарифулин/ТАСС

Д.ЭНХЭЭ БНАСАУ-д оруулахыг хориглосон барааны жагсаалтаас спортын тоног төхөөрөмжийг онцгойлон тусад нь авч үзэх талаар НҮБ-ын Аюулгүйн Зөвлөлийн хороонд хандсан Олон улсын олимпийн хорооны ерөнхийлөгч (ОУОХ) Томас Бахын санал хүсэлтэд АНУ хориг тавьсан тухай НҮБ дахь дипломат эх сурвалж ТАСС агентлагт уламжилсныг сурвалжлагч Мария Хренова мэдээлжээ. “ОУОХ-ны хүсэлтийг НҮБ-ын Аюулгүйн Зөвлөлийн хороо сайшаасны эсрэг США дангаараа татгалзсан” хэмээн агентлагтай ярилцагч өгүүлжээ. ТАСС-ын мэдэлд эх нь байгаа НҮБ-ын Аюулгүйн Зөвлөлийн хороонд явуулсан Бахын илгээлтэд “Пёнчанд саяхан болж өнгөрсөн 2018 оны өвлийн Олимпийн тоглолтууд НҮБ болон ОУОХ-ны хамтын ажиллагааны урт удаан хугацааны түүхэнд шинэ бүлэг болж орлоо. Нээлтийн ёслол дээр Солонгос улс, БНАСАУ-ын тамирчид Солонгосын нэгдлийг бэлгэдсэн нэг тугийн дор нэг баг болж оролцсон явдал эвлэрлийн маш хүчтэй дохиог дэлхий дахинд түгээсэн билээ” хэмээн тэмдэглэжээ. “Үүнийг иш үндэс болгон Умард Солонгосын тамирчид олон улсын тэмцээнд бэлтгэх, урьдчилсан шатны тэмцээнүүдийг давж, дараа дараагийн олимпийн тоглолтуудад оролцох боломж бүрдүүлэхийн тулд спортын тоног төхөөрөмжийг НҮБ-ын хоригийн горимоос тусад нь салган авч үзэж, БНАСАУ-д нийлүүлэхийг ОУОХ-нд зөвшөөрөхийг хүссэн санал хүсэлтээ үүгээр илгээж байна” хэмээн Бах уг баримт бичигтээ дурджээ. Токиод болох 2020 оны зуны Олимпиадад БНАСАУ-ын шигшээ баг оролцох асуудлыг урагшлуулахын тулд дэмжлэг үзүүлэх бодолтой байгаагаа ОУОХ-ны тэргүүн өмнө нь мэдэгдэж байсан. Пёнчанд болсон өвлийн олимпод БНАСАУ-ын тамирчдыг оролцох боломжоор хангахын тулд тэдэнд зориулан ОУОХ нэмэлт квот олгож байсан билээ. Эх сурвалж: “Зууны мэдээ” сонин

ХШТХ: Оюу толгойн үр өгөөжийг 3 жил тутам харилцан хянахыг дэмжив

Хянан шалгах түр хорооны өнөөдөр /2026.12.24/-ийн хуралдаанаар Оюу толгой бүлэг ордын ашиглалтад Монгол Улсын эрх ашгийг хангуулах, хүртэх өгөөжийг нэмэгдүүлэх хүрээнд хийсэн тусгай шалгалт, сонсголын мөрөөр авч хэрэгжүүлэх арга хэмжээний тухай УИХ-ын тогтоолын төслийг хэлэлцлээ.

3 цаг 42 мин

Ундны ус гүн цэвэршүүлэх болон хаягдал ус дахин боловсруулах үйлдвэрийн туршилт тохируулгын ажлыг хийж байна

Монгол Улсын Засгийн газар, АНУ-ын Мянганы сорилтын корпорац хооронд 2018 оны 7 дугаар сарын 27-ны өдөр байгуулсан Мянганы сорилтын хоёр дахь Компакт гэрээгээр “Улаанбаатар хотын нийт ус хангамжийг нэмэгдүүлэх хөтөлбөр”-ийг АНУ-ын Засгийн газрын 350.0 сая ам. долларын буцалтгүй тусламж, Монгол Улсын Засгийн газрын 111.7 сая ам. долларын хөрөнгө оруулалтаар хэрэгжүүлж байна. Компакт гэрээ 2026 оны гуравдугаар сарын 31-ний өдөр дуусгавар болно.

7 цаг 6 мин