Оросын жүжигчин Байгал нуурыг бохирдуулахгүй байхыг уриаллаа

Нүүр

Дэлхийн улс төр

Оросын жүжигчин Байгал нуурыг бохирдуулахгүй байхыг уриаллаа

2018-07-26

Нийтэлсэн: Админ

1 мин

ХУВААЛЦАХ

ЖИРГЭХ

Д.АРИУН ОХУ-ын хошин шогийн нэртэй жүжигчин Владимир Селиванов Байгал нуурт хог хаягдлаа хаяхгүй байхыг уриалсан талаар АиФ-Иркутск мэдээлжээ. Оросын ТНТ телевизийн олон ангит “Реалтные пацаны” киноны Вованы дүрээрээ үзэгчдийн дунд ихээхэн алдаршсан жүжигчин залуугийн Байгал нуурт аялахаар ирж байгаа хэн бүхэнд хандан хогоо хаяхгүй байхыг уриалсан бичлэгийг Улаан-Үдийн “Хара Морин” баг өөрийн YouTube хуудаснаа байршуулжээ. Байгал нуурыг хамгаалах уриалгад Улаан-Үдийн уугуул, жүжигчин Александр Фролов ч бас нэгдсэн байна. Түүний видео уриалгыг “Хара Морин” багийнхан мөн цахим хуудаснаа нийтэлжээ. Александр Фролов хэлэхдээ, Байгал нуур орчимд өнгөрүүлсэн амралтынхаа дараа хогоо бүгдийг ууталж, хот руу авч яваарай, тэгэхдээ замын хажуугийн зөвшөөрөлгүй газарт биш, харин хог хаягдал устгах зориулалтын газар Улаан-Үдэд байдаг гэдгийг сануулсан байна. “Хара Морин” нь Оросын телевизийн КВН шоунд Буриадаас оролцсон баг бөгөөд цахим орчинд эко флешмоб өрнүүлж байгаа юм. Уг үйл ажиллагаагаараа тэд Байгал нуурт аялсан, амарсан хэн бүхэн хогоо буцааж авчрахыг уриалж байгаа билээ. Цахим орчинд тэд “хог толгойноос эхэлдэг” / #МусорИзГоловы/ , “хогоо өөрөө хая” /#заберимусорсобой/ гэдэг хэштаг эхлүүлжээ. [embed]https://www.youtube.com/watch?v=bFVGfDLFDvw[/embed] Эх сурвалж: www.polit.mn

ХШТХ: Оюу толгойн үр өгөөжийг 3 жил тутам харилцан хянахыг дэмжив

Хянан шалгах түр хорооны өнөөдөр /2026.12.24/-ийн хуралдаанаар Оюу толгой бүлэг ордын ашиглалтад Монгол Улсын эрх ашгийг хангуулах, хүртэх өгөөжийг нэмэгдүүлэх хүрээнд хийсэн тусгай шалгалт, сонсголын мөрөөр авч хэрэгжүүлэх арга хэмжээний тухай УИХ-ын тогтоолын төслийг хэлэлцлээ.

3 цаг 41 мин

Ундны ус гүн цэвэршүүлэх болон хаягдал ус дахин боловсруулах үйлдвэрийн туршилт тохируулгын ажлыг хийж байна

Монгол Улсын Засгийн газар, АНУ-ын Мянганы сорилтын корпорац хооронд 2018 оны 7 дугаар сарын 27-ны өдөр байгуулсан Мянганы сорилтын хоёр дахь Компакт гэрээгээр “Улаанбаатар хотын нийт ус хангамжийг нэмэгдүүлэх хөтөлбөр”-ийг АНУ-ын Засгийн газрын 350.0 сая ам. долларын буцалтгүй тусламж, Монгол Улсын Засгийн газрын 111.7 сая ам. долларын хөрөнгө оруулалтаар хэрэгжүүлж байна. Компакт гэрээ 2026 оны гуравдугаар сарын 31-ний өдөр дуусгавар болно.

7 цаг 5 мин