Д.Трамп гаалийн татварыг зэрэг цуцлахыг санал болголоо

Нүүр

Дэлхийн улс төр

Д.Трамп гаалийн татварыг зэрэг цуцлахыг санал болголоо

2018-07-26

Нийтэлсэн: Админ

1 мин

ХУВААЛЦАХ

ЖИРГЭХ

Д.АРИУН АНУ-ын Ерөнхийлөгч Дональд Трамп Европын холбоонд хандан “шударга худалдаа”-г бий болгохын тулд гаалийн татварыг зэрэг цуцлахыг санал болгосон талаар РИА-Новости мэдээлжээ. Еврокомиссын тэргүүн Жан-Клод Юнкер Вашингтонд АНУ-ын Ерөнхийлөгчтэй худалдааны асуудлаар хэлэлцэхээр очиж байгаа юм. Түүний айлчлалаас өмнө өчигдөр АНУ-ын Ерөнхийлөгч Twitter хуудастаа Европын холбоотой уулзахдаа ямар санал тавьж байгаагаа бичжээ. Дональд Трампын үзэж байгаагаар АНУ болон Европын холбоо гаалийн татвар, худалдааны саад, улсын татаасаас нэгэн зэрэг татгалзах ёстой гэнэ. “Үүнийг чөлөөт зах зээл, шударга худалдаа гэж нэрлэж болно. Тэднийг ийм алхам хийнэ гэж найдаж байна. Бид бэлэн байгаа, харин тэд бэлэн биш байна” гэж тэрээр бичжээ. Өмнө нь Трамп үүнтэй төстэй саналыг Их-7-гийн орнуудад санал болгож байсныг хэвлэлүүд онцолж байна. Энэ оны сарын сүүлчээр АНУ нь импортын ган, хөнгөн цагаанд 25 болон 10 хувийн гаалийн татвар ногдуулж байгаагаа зарласан. Харин Европын холбоо, Канад, Мексикийг арай өөрөөр авч үзэж, хугацааг түр хойшлуулж байгаад өнгөрсөн зургадугаар сарын 1-нээс хүчин төгөлдөр хэрэгжүүлж эхэлсэн юм. Вашингтон гаалийн өндөр татвар ногдуулах энэ шийдвэрээ үндэсний аюулгүй байдлаа бэхжүүлэх алхам хэмээн тайлбарладаг. Харин АНУ-ын худалдааны олон түнш үүний эсрэг байгаа бөгөөд Европын холбоо хариу арга хэмжээ авч, Америкт үйлдвэрлэсэн 2.8 тэрбум еврогийн өртөг бүхий бараа бүтээгдэхүүнд гаалийн татвар ногдуулж байгаагаа зарласан билээ. Эх сурвалж: “Зууны мэдээ” сонин

ХШТХ: Оюу толгойн үр өгөөжийг 3 жил тутам харилцан хянахыг дэмжив

Хянан шалгах түр хорооны өнөөдөр /2026.12.24/-ийн хуралдаанаар Оюу толгой бүлэг ордын ашиглалтад Монгол Улсын эрх ашгийг хангуулах, хүртэх өгөөжийг нэмэгдүүлэх хүрээнд хийсэн тусгай шалгалт, сонсголын мөрөөр авч хэрэгжүүлэх арга хэмжээний тухай УИХ-ын тогтоолын төслийг хэлэлцлээ.

3 цаг 41 мин

Ундны ус гүн цэвэршүүлэх болон хаягдал ус дахин боловсруулах үйлдвэрийн туршилт тохируулгын ажлыг хийж байна

Монгол Улсын Засгийн газар, АНУ-ын Мянганы сорилтын корпорац хооронд 2018 оны 7 дугаар сарын 27-ны өдөр байгуулсан Мянганы сорилтын хоёр дахь Компакт гэрээгээр “Улаанбаатар хотын нийт ус хангамжийг нэмэгдүүлэх хөтөлбөр”-ийг АНУ-ын Засгийн газрын 350.0 сая ам. долларын буцалтгүй тусламж, Монгол Улсын Засгийн газрын 111.7 сая ам. долларын хөрөнгө оруулалтаар хэрэгжүүлж байна. Компакт гэрээ 2026 оны гуравдугаар сарын 31-ний өдөр дуусгавар болно.

7 цаг 5 мин