Б.Төгс

Нийслэлийн Худалдан авах ажиллагааны газар нэр бүхий 27 аж ахуйн нэгжийг 3 жилийн хугацаагаар худалдан авах ажиллагаанд оролцуулахгүй болсноо мэдэгдэж байна. Эдгээр аж ахуйн нэгжүүд нь илт худал мэдээлэл бүхий тендер ирүүлсэн зөрчил гаргаж, Сангийн сайдын 2014 оны 49 дугаар тушаалаар тендерт оролцох эрхээ хязгааруулсан этгээдийн бүртгэлд хамрагдсан юм. Цаашид гэрээний үүргээ зөрчсөн аж ахуйн нэгжүүдийг энэхүү жагсаалтад оруулахаар Сангийн яамны улсын байцаагчид ажиллаж байгаа юм байна.
Тендерт оролцох эрхээ хязгаарлуулсан этгээдийн бүртгэлд хамрагдсан аж ахуйн нэгжийг худалдан авах ажиллагаанд оролцуулсан мэргэжлийн байгууллага, сонгон шалгаруулсан Үнэлгээний хороо,  гэрээ байгуулсан захиалагчийн хяналт тавих үүрэгтэй бүх л субьектэд хариуцлага тооцон, олон нийтэд зарлах ажлыг зохион байгуулах Нийслэлийн Засаг даргын захирамж гарсан. Иймд тендерт оролцогч аж ахуйн нэгжүүд тендерийн баримт бичгийг үнэн зөвөөр бүрдүүлэн мэдүүлэх, шалгарсан компаниуд гэрээний үүргээ биелүүлж, гүйцэтгэлийг хариуцлагатай хийх тал дээр анхаарал тавьж ажиллахыг зөвлөлөө. Дараах 27 компанийн эрхийг хасчээ.

1.”Түрүү гарав” ХХК /Голомт банкны тендерийн баталгааг хуурамчаар үйлдсэн/

2. “Таван талст оргил” ХХК /Голомт банкны тендерийн баталгааг хуурамчаар үйлдсэн/

3. “Цамхаг констракшн” ХХК //Голомт банкны тендерийн баталгааг хуурамчаар үйлдсэн/

4. “Цацрах цог” ХХЗ /Голомт банкны тендерийн баталгааг хуурамчаар үйлдсэн/

5. ЧБББ ХХК /Голомт банкны урьдчилгаа төлбөрийн баталгааг хуурамчаар үйлдсэн/

6. “Хөхийн элч” ХХК /Голомт банкны тендерийн баталгаа, урьдчилгаа төлбөрийг баталгааг хуурамчаар үйлдсэн/

7. “Дэлгэр констракшн” ХХК /Тендерийн баталгааг хуурамчаар үйлдсэн/

8. “Дагшин харгуй” ХХК /Тендерийн баталгааг хуурамчаар үйлдсэн/

9. “Медбенефит” ХХК / Тендерийн баталгааг хуурамчаар үйлдсэн/

10. “Анар сан” ХХК /Голомт банкны тодорхойлолт/

11. “Бүтээн байгуулалт” ХХК /Голомт банкны тендерийн баталгааг хуурамчаар үйлдсэн/

12. “Нарантээл” ХХК /Голомт банкны тендерийн баталгааг хуурамчаар үйлдсэн/

13. “Номгон хайрхан” ХХК /Хас банкны тендерийн баталгааг хуурамчаар үйлдсэн/

14. “Бадмаараг-Өргөө” ХХК /Хас банкны тендерийн баталгааг хуурамчаар үйлдсэн/

15. “Сумпакс” ХХК /Хас банкны тендерийн баталгааг хуурамчаар үйлдсэн/

16. “Мөнхтавилга” ХХК /Хас банкны тендерийн баталгааг хуурамчаар үйлдсэн/

17. “Шинжиан коммуникейшн констракшн” ХХК /Банкны тендерийн баталгааг хуурамчаар үйлдсэн/

18. “Медтех” ХХК /Татвар төлөгчийн талаарх албан тоотыг хуурамчаар ирүүлсэн/

19. “Киль Туул “ХХК /Хаан банкны урьдчилгаа төлбөрийн баталгаа хуурамч/

20. “Талст Өргөө” ХХК /Голомт банкны баталгааг хуурамчаар үйлдсэн/

21. “Фронт Гейт” ХХК /Хаан банкны урьдчилгаа төлбөрийн баталгаа хуурамч/

22. “Бум констракшн” ХХК / Төрийн банкны урьдчилгаа төлбөрийн баталгаа хуурамч/

23. “Хүрэл харш” ХХК /2011, 2012 оны санхүүгийн тайлан хуурамч/

24. “Донж хацу” ХХК / Голомт банкны баталгааг хуурамчаар үйлдсэн

25. “Төмөр хүлэг” ХХЗ /Голомт банкны урьдчилгаа төлбөрийн баталгаа хуурамч байсан/

26. “Мон Инж Эм Жи” ХХК / Санхүүгийн тайлан хуурамчаар ирүүлсэн/

27. “Эрай төгс чоно” ХХК /Худалдаа хөгжлийн банкны тендерийн баталгааг хуурамчаар үйлдсэн/

Эх сурвалж: polit.mn