Х.ОЮУНБОЛД Эквадорийн Гадаад яам болон  ерөнхийлөгч Ленин Мореногийн албатай  ойр байдаг нэргүй эх сурвалж хэрэв хэрэгжүүлээгүй байгаа бол Викийликс  цахим хуудсыг үндэслэгч Жулиан Ассанжид олгосон орогнох зөвшөөрлийг цуцлах, дараа нь Их Британийн эрх баригчдад түүнийг хүлээлгэж өгөхөөр төлөвлөж байна гэж мэдэгдсэнийг The Intercept цахим сонинд нийтэлжээ. Энэ мэдээг дээрх эх сурвалжаас иш татаж цахим сонинд Гленн Гренвальд  бичсэн байна.  Цахим сонинд Жулиан Ассанжид олгосон орогнох зөвшөөрлийг цуцлах, түүнийг албадан гаргах ажил энэ долоо хоногт  буюу энэ сарын сүүлээр болж болно гэж онцолжээ. Харин Эквадорийн Гадаад яамны дэд сайд  Андрес Тарен “Одоогоор Кито, Лондон Жулиан Ассанжийн ирээдүйн тухай хэлэлцэж байна. Гэхдээ хэлэлцээрт ерөнхийлөгч Ленин Морено оролцохгүй. Учир нь ерөнхийлөгч энэ долоо хоногийн сүүлчээр Лондонд хийх айлчлалынхаа үеэр Жулиан Ассанжтай уулзахаар төлөвлөөгүй гэдгээ мэдэгдсэн” гэв. Жулиан Ассанж нь одоог хүртэл Их Британийн нутаг дэвсгэрт хөл тавьсан тохиолдолд тус улсын эрх баригчдад баривчлагдах учраас Лондон дахь Эквадорын Элчин сайдын яаманд амьдарч байгаа юм  Их Британийн эрх баригчид  түүнийг баривчилсныхаа дараа тагнуул хийсэн, нууц мэдээллийг хүмүүст түгээсэн  гэсэн шалтгаанаар буруутгаж байгаа АНУ руу  албадан гаргах юм. Эх сурвалж: mundo.sputniknews.com