Г.Уранбилэг СУИС, Олон улсын Монгол судлалын холбоо хамтран “Монголчуудын соёлын ертөнц: өв, үнэтзүйл, урлаг” нэртэй  монгол судлаач эрдэмтдийн олон улсын эрдэм шинжилгээний хурлыг энэ сарын 23-25-нд зохион байгуулна. Хуралд 82 эрдэмтэн, судлаачийн илтгэлийг сонсох бөгөөд гурван салбар хуралдаантай. Энэ талаар Соёл урлаг судлалын хүрээлэнгийн мэргэжилтэн Д.Наранцэцэгээс  тодруулахад  ““Соёлын үнэт зүйл, бодлогын судалгаа” гэсэн сэдвээр эхний хуралдааныг явуулах юм. Үүгээр соёлын бодлогын судалгааны онол, арга зүй, төрөөс соёлын талаар баримталж буй бодлогын хэрэгжилт, хүн амын соёлын эрэлт хэрэгцээ, соёлын үнэт зүйл, үнэлэмжийн асуудал зэрэг сэдвээр илтгэл сонсоно. Дараагийнх нь “Монголын соёлын өв” гэсэн салбар хуралдаан байна.  Соёлын биет болон биет бус өвийн судалгааны талаар ярилцах болно. Гурав дахь нь “Чингис хааны дүр тайз, дэлгэц, дүрслэх урлагийн бүтээлд гэсэн “малгай”-тай байх бөгөөд театр, хөгжим, дүрслэх урдаг, кино, бүжиг судлалын чиглэлийг хамрах юм” гэлээ.   Олон улсын эрдэм шинжилгээний хурал олон улсын Монгол судлал дахь соёл, урлаг судлалыг идэвхжүүлэх, дотоод, гадаадын эрдэмтдийн олон улсын Монгол судлалд гүйцэтгэх үүрэг, оролцоог нэмэгдүүлэх, Монголынсоёл, урлаг судлалаар мэргэшсэн залуу судлаачдыг дэмжих, залгамж халааг бэлтгэх зорилготой бөгөөд нийт 82 эрдэмтэн, судлаач илтгэхээс 32 нь гадаадын судлаач байх юм байна.  Эх сурвалж:www.polit.mn