МАХН-ын ээлжит бус их чуулган энэ сарын 7-ны Улаанбаатар хотноо амжилттай зохион байгуулагдаж өндөрлөлөө. МАХН-ын Ээлжит бус Их чуулганд оролцсон төлөөлөгчид "Мэдэгдэл" гаргасаныг бүрэн эхээр нь хүргэж байна.
Мэдэгдэл
МАХН-ын гишүүд, дэмжигчид бид Монгол Улсынхаа дөрвөн зүг, найман зовхисоос нийслэл Улаанбаатар хотноо хүрэлцэн ирж, намынхаа Ээлжит бус Их чуулгандаа төлөөлөгчөөр оролцож, улс орны өмнө тулгамдсан бэрхшээлтэй асуудлуудыг ул суурьтай авч хэлэлцлээ.
МАН-АН-ын улс төр-бизнесийн олигархи бүлэглэлийнхараат шүүгчид хууль бус шийдвэр гаргаж, МАХН-ыг хяхан хавчиж байгаатай хууль, тогтоомж, намынхаа дүрмийн дагуу тэмцэхийн тулд ийнхүү Ээлжит бус Их чуулгандаа хуран цугласныг өргөн олон түмэн маань мэдэж, бас дэмжиж байна.
Монгол орныг нийтэд нь хамарсан хямралт байдал улам гүнзгийрэн ужгирч, үүнд юуны өмнө жирийн иргэд, хүүхэд залуучууд, ахмадууд хайр найргүй ширвэгдэж байгаад сэтгэл түгшиж, энэхүнд хэцүү байдал удаан үргэлжилвэл энэ нь үндэсний аюулгүй байдалд ч аюул учруулаххэмжээнд хүрч байна гэж үзэж болохоор болжээ.
Цайлган цагаан сэтгэлтэй ард түмнийхээ дэмжлэгээр төр засгийн эрх мэдлийг ээлжлэн авсаар ирсэн МАН, АН-ынхан улс орон, ард түмнээ хямралт байдлаас гаргахын төлөө зүтгэхийн оронд
- Их хэмжээний өр зээл тавих (2003 онд Их өр тэглэгдэн ард түмний нуруун дээрх ачааг авч хаясан байтал,өнөөдөр Монгол Улсын нийт өрийн хэмжээ 25 орчим тэрбум ам.доллар болсон буюу хамгийн балчир насны хүүхэд, хамгийн өндөр настай ахмад буурлыг оролцуулан Монгол хүн бүр 20,0 сая төгрөгийн өртэй болгосон),
-УИХ-ын болон Ерөнхийлөгчийн сонгууль болгоноор амласан амлалтаасаа ухрах, төрийн албыг хууль бусаар мөнгө босгох арга болгон ашиглах (60 тэрбумын будлиантай асуудал),
-Намд хандив өгөх явдлыг өөрсдийн хувийн ашиг сонирхолыг гүйцэлдүүлэх арга хэрэгсэл болгосон улс төр-бизнесийн олигархиуд ханаж цадахаа мэдэхгүй шуналын сэтгэлдээ хөтлөгдөн улсын өмч хөрөнгийг луйвар булхайн аргаар бие биедээ найр тавин өгөх(“Эрдэнэт”-ийн 51 хувь, “Эрдэнэт”-ийн 49 хувийн тус тус асуудлууд),
- Хууль, шүүхийн байгууллагуудын ажилтнуудыг томилох эрх мэдлээрээ далимдуулан тэднийгэрхшээлдээ бүрэн оруулж, тэднийг өөрсдийн гэмт хэрэг, луйвар булхайгаа хаацайлан хамгаалах, өрсөлдөгчдөө нухчин дарах арга хэрэгсэл болгон ашиглах,
- Ард түмний мэдэлд байх ёстой байгалийн баялгийг гадныханд найр тавин өгөөд зогсохгүй, улс орноо давшгүй их өрөнд оруулах (“Оюу толгойн ХОГ”-г байгуулсан явдал) зэргээр “номхон тэмээг ноолоход амар” гэгчээр Монгол орон, монголын ард түмнийг дэндүү ихээр элэг барин доромжлон дарлаж байгаа ёс суртахуунгүй үйлдлүүд нь олон түмний зүй ёсны жигшил зэвүүцлийг төрүүлж байна.
Манай Нам энэхүү хямралт байдлын гол үндэс нь 1992 онд батлагдсан Үндсэн хуулиар нэвтрүүлсэн төрийн байгууллын гаж тогтолцоо мөн хэмээн дүгнэн үзэж байгаа юм. Үүнийг ч МАН ба АН-ынхан мэдэхийн цаагуур мэдэж байгаа гэдэгт огт эргэлзэхгүй байна.
Гэсэн хэдий ч тэд төрийн байгууллын гаж тогтолцоог засахыг хүсэхгүй, харин ч түүнийг улс төр-бизнесийн олигархи бүлэглэлийн явцуу эрх ашгийг гүйцэлдүүлэхийн төлөө овжноор ашиглаж байгаа нь нөхцөл байдлыг улам хүндрүүлэн дордуулж байна.
Тэд тулгамдсан асуудлыг уг үндсээр нь шийдэхийн оронд уг асуудлыг нэг нь нөгөөгийнхөө(“Эрдэнэт”-ийн 51 хувийн луйвар ба “Эрдэнэт”-ийн 49 хувий луйвар), эсхүл нэг намын доторх ашиг сонирхлын бүлэглэлүүд нэг нэгнийгээ давах шалтаг болгон ашиглаж нийгмийн сэтгэл зүйгээр тоглодогийг учир мэддэг олон түмэн ойлгодог болжээ.
Тийм учир ард иргэд МАН ба АН хамтран нийлээд ч, тус тусдаа байгаад ч өнөөгийн хямралт байдлаас гаргаж чадна, гаргахыг хүснэ гэдэгт нэгэнт итгэхээ больсон байна.
МАХН-ын Ээлжит бус Их чуулганы төлөөлөгчид бид өнөөгийн төр засгийн эрхийг барьж байгаа МАН ба АН-ын удирдлага, тэдний гар хөл болсон хараат хууль шүүхийн байгууллагын удирдлагад хандан дараахи шаардлагыг тавьж байна. Үүнд:
1. “Оюу толгойн ХОГ”-г нэн даруй цуцлах эсэх талаар ард түмний нийтийн санал асуулга явуулах,
2. “Эрдэнэт”-ийн 51 хувийг барьцаалсан луйврыг шалган буруутныг хариуцлагад татах,
3. “Эрдэнэт”-ийн 49 хувийг луйвар булхайн аргаар авсан болон авахад нь шууд хутгалдан оролцож тусалсан этгээдүүдийг хариуцлагад татах,
4. “Оффшор бүс”-д гарсан их хэмжээний хөрөнгө мөнгийг Монголд буцаан авчирч, хураан авч ажлын байр бий болгоход зарцуулах,
5. Оюу толгой, Таван толгой зэрэг стратегийн томоохон ордуудыг ард түмний дундын өмчлөлд шилжүүлж, нийгэм-эдийн засгийн хямралт байдлаас гаргах зэргийг шаардаж байна.
МАХН өнөөгийн гаж тогтолцоог зөв тогтолцоогоор солих нь улс орноо улс төр, нийгэм, эдийн засгийн хүнд хэцүү байдлаас богино хугацаанд нэгмөр гаргах хамгийн зөв гарц мөн хэмээн үзэж байгаа юм. Өнөөгийн хямралт байдлыг цаашид гүнзгийрүүлэн ужигруулахгүйн тулд ард түмнээ дээдэлсэн Дээд хуулийн төслийг нийт иргэд сонгогчдоороо нээлттэй хэлэлцүүлэн батлуулах нь МАХН-ын хийх ёстой ажил болоод зогсохгүй эх орон, ард түмнээ бодсон хүн бүрийн хамтдаа бүтээх их үйл хэрэг болжээ.
МАХН “Монгол хүнд хаана хүнд хэцүү байна, тэнд байж ядарсан олонд туслана” гэсэн зарчмын дагуу үйл ажиллагаагаа явуулж, улс төрийн бусад нам, иргэний хөдөлгөөнүүд, хэвлэл мэдээллийн байгууллагуудад хандан төрийн гаж тогтолцоог зөв тогтолцоо болгох “Дээд хууль”-ийн төслийг богино хугацаанд батлан хэрэгжүүлэх их үйл хэргийг ард түмнийхээ сайн сайхан амьдралын төлөө хамтран бүтээхийг уриалж байна.
Сайн үйл дэлгэр түгэн дэлгэрч, Монгол Улс мандан бадартугай.
Монголын ард түмэн мандтугай.
МАХН-ын Ээлжит бус Их чуулганд оролцсон төлөөлөгчид
Шинээр томилогдсон Шадар сайд Н.Номтойбаяр үүрэгт ажлаа хүлээн авлаа
Шинээр томилогдсон Шадар сайд Н.Номтойбаяр үүрэгт ажлаа хүлээн авлаа
2 цаг 11 мин
Т.Аубакир: Н.Учрал дарга өөрөө нээлттэй хүн учраас ЗГ ч нээлттэй ажиллана
Т.Аубакир: УИХ дээрх талцал хуваагдлыг нэг талдаа гаргасан тул ЗГ-ын ажил гацахгүй байх
2 цаг 20 мин
"УИХ-ын дарга намаасаа түдгэлздэг байх“ хуулийг УИХ-аар хэлэлцэх эсэхийг пүрэв гарагт шийднэ
УИХ-ын дарга намаасаа түдгэлздэг байх“ хуулийг УИХ-аар хэлэлцэх эсэхийг пүрэв гарагт шийднэ
2 цаг 26 мин
ХХААХҮ-ийн сайд Ц.Идэрбат: Нэг кг нь 35 мянга хүрсэн мах олоогүй
ХХААХҮ-ийн сайд Ц.Идэрбат: Нэг кг нь 35 мянга хүрсэн мах олоогүй
2 цаг 32 мин
С.Амарсайхан: Шаардлагатай томилгоонуудыг хийхээс өөр аргагүй
С.Амарсайхан: Шаардлагатай томилгоонуудыг хийхээс өөр аргагүй
2 цаг 37 мин
"Бодь”-ийн 110 сая долларыг тараасан дөрөв гадаадад гарч, гэрч нь үлдсэн үү?
“Бодь интернэшнл”-ийн оффтейк гэрээнүүд 2022 онд нууцаас гарсан. Гэсэн хэр нь, “нууц” хэвээр байсаар ирсэн.
8 цаг 46 мин
Н.Учралын Засгийн газар: Найман сайд улирч, 11 сайдыг шинээр томиллоо
Улс төрд хүлээлт үүсгээд байсан томилгоотой холбоотой асуудлууд нэлээд маргаан дагуулсны эцэст өнгөрсөн баасан гарагт шийдэгдэв. Үдээс өмнө УИХ-ын даргаар С.Бямбацогтыг томилж, үдээс хойших чуулганд Ерөнхий сайд Н.Учрал танхимын сайд нараа танилцуулан, тангараг өргөж, шинэ Засгийн газар ажилдаа орлоо.
8 цаг 46 мин
Киргиз Улсын Элчин сайд Итгэмжлэх жуух бичгээ өргөн барилаа
Киргиз Улсын Элчин сайд Итгэмжлэх жуух бичгээ өргөн барилаа
2026-04-03