Солонгосын Аж Үйлдвэрийн комплексийн корпорацид зочиллоо

Нүүр

Геополитик

Солонгосын Аж Үйлдвэрийн комплексийн корпорацид зочиллоо

2014-03-14

Нийтэлсэн: Админ

1 мин

ХУВААЛЦАХ

ЖИРГЭХ

Тэрээр дагалдан яваа төлөөлөгчдийн хамтаар өчигдөр Солонгосын Аж Үйлдвэрийн комплексийн корпорацид зочилж, өндөр технологийн кластер хөгжүүлж буй туршлагаас хуваалцлаа.

Аж үйлдвэрийн комплексийн корпорацийн ТУЗ-ийн дарга Кан Нам Хүн болон Аж Үйлдвэрийн комплексийн корпорацийн Сөүл дэх төвийн захирал Чой Жон Тэ, Бодлого төлөвлөлтийн газрын дарга Юн Чан Бэ нар УИХ-ын даргыг угтан авч, үйл ажиллагааныхаа талаар танилцууллаа.

БНСУ-ын Аж Үйлдвэрийн цогцолборын түүхийг бүтээсэн, эдийн засгийн хөгжил цэцэглэлт, гадаад худалдааны эргэлт, аж үйлдвэрийн салбарын өсөлт хөгжилтөд үнэтэй хувь нэмэр оруулж ирсэн Аж үйлдвэрийн комплексын корпорацид хамрагдаж буй 800 гаруй аж үйлдвэрийн цогцолбор нь БНСУ-ын нийт бүтээгдэхүүний 66 хувь, экспортын 76 хувь, ажил олгогчдын 44 хувийг эзэлж байгаа нь БНСУ-ын эдийн засгийн гол хүчин зүйл, тулгуур болж байгааг тодорхой харуулж байна гэж УИХ-ын дарга уулзалтын эхэнд онцоллоо.

Мөн “Монгол Улс байгалийн баялагтаа тулгуурлан хөгжихийн зэрэгцээ байгаль орчинд ээлтэй аж үйлдвэрийн цогцолбор бий болгох, уул уурхай нэмүү өртөг шингээсэн бүтээгдэхүүн үйлдвэрлэх тэргүүн зорилт тавьж, төрөөс өндөр технологийн аж үйлдвэрийг хөгжүүлэх талаар баримтлах бодлогыг 2010 онд батлан ажиллаж байна.

Өндөр технологийн аж үйлдвэр нь Монгол Улсыг хөдөө аж ахуйн гаралтай түүхий эд, уул уурхайн олборлох үйлдвэрлэлд түшиглэсэн эдийн засгаас тэргүүний, дэвшилтэт мэдлэг, технологид суурилсан, мэдлэгийн эдийн засагт шилжүүлэх гарц, аж үйлдвэрийн төрөлжилтийг эрчимжүүлэн үндэсний баялгийг богино хугацаанд эрс нэмэгдүүлэх, улс орны өрсөлдөх чадварыг дээшлүүлэх хүчин зүйл хэмээн үзэж төрөөс онцгойлон дэмжиж байгаа” гэсэн юм.

Солонгосын Аж Үйлдвэрийн комплексийн корпорацид зочиллоо

Бидний зовлон үүнд байна

Б.Жаргалсайхан: Бензин олдохгүй бол машинаа хая, нэг удаа явган ирээд фестивалиа үзчих

Г.Дамдиннямыг дарамтлаад зуныг барлаа, Б.Найдалаадаа найдаад өвлийг угтана даа хэдүүлээ?

Н.Учрал эдийн засаг, О.Цогтгэрэл улс төр ярив

Эмгэнэл

ЦЕГ: Монгол иргэнийг автомашинаар дайрч хөнөөсөн хэрэгт гадаадын хоёр иргэнийг саатуулан шалгаж байна

А.Үйлстөгөлдөр: Улс орон бүр тууштай бодлого баримтлан, харилцан ойлголцож, хамтран ажиллах хэрэгтэй байна

Орхон аймгийн Засаг дарга тэргүүтэй албан тушаалтнууд “Будда вилла”-гийн 82 захиалагчийн хохирлыг хариуцах уу?

Лидергүй АН

Шатахуун импортлогчдыг сонсголоор “шүүе”