Д.ЭНХЭЭ Владимир Путин, Дональд Трамп нарын уулзалт Хельсинкид додугаар сарын 16 -нд болно гэж Кремлийн хэвлэлийн алба мэдээлснийг РИА Новости уламжлав. Лидерүүд “Орос-Америкийн харилцааны өнөөгийн байдал болон цаашдын хөгжлийн төлөв” мөн олон улсын тулгамдсан асуудлыг хэлэлцэнэ хэмээн тэмдэглэжээ. Цагаан ордонд мэдэгдсэнээр Путин, Трамп нар ОХУ, АНУ-ын хоёр талын харилцаа болон үндэсний аюулгүй байдлын хэд хэдэн асуудлыг хөндөж хэлэлцэх ажээ. Энэ бол өөр ямар нэгэн чуулга уулзалтад хавсаргалгүйгээр хоёр удирдагч бүрэн хөтөлбөрөөр хийж байгаа анхны уулзалт. Саяхан энэхүү уулзалтын бэлтгэлтэй холбогдуулан АНУ-ын Ерөнхийлөгчийн үндэсний аюулгүй байдлын зөвлөх Жон Болтон ОХУ-д ирсэн. Тэрээр Путин, ГЯЯ-ны тэргүүн Сергей Лавров, Аюулгүй байдлын зөвлөлийн төлөөлөгчидтэй уулзсан. Финландийн ерөнхийлөгч Саули Ниистёгийн өгүүлснээр Трамп, Путин нарын уулзалтын хөтөлбөрийг дараагийн хоёр долоо хоногийн туршид тодорхой болгоно. "Тэд олон улсын ерөнхий нөхцөл байдлыг заавал хэлэлцэнэ, мөн зэвсэглэлд тавих хяналт, зэвсэг хураах асуудлыг хэлэлцэх байх гэж найдаж байна. Түгшүүртэй байдлыг намжаах өчүүхэн бага ч гэсэн алхмууд хэн хэнийх нь ашиг сонирхолд нийцэх байх”  хэмээн Ниинистё онцлов. Эх сурвалж: www.polit.mn