Д.ЭНХЭЭ Москва, Вашингтон хоёр Владимир Путин, Дональд Трамп нарын уулзалтын талаар тохиролцсон гэж оросын лидерийн туслах Юрий Ушаков РИА Новости-д мэдээлжээ. "Энэ асуудлыг бид хамтдаа хаалттай шугамаар нэлээд удаан хэлэлцэж байна. Уулзалт хийх цаг хугацаа, газар зэргийг тохиролцсон гэдгийг хэлж болно. Энэ талаар бид америкийн талтай хамтарч маргааш (28/VI) зарлана”  хэмээн тэрээр сэтгүүлчдэд хэлэв. Уулзалт гуравдагч улс оронд болно хэмээн Ушаков тодотгов. Уулзалт болох газрын нэг нь Вена байж болох юм гэж австрийн Kronen Zeitung сонин ням гарагт мэдээлжээ. Дараа нь Politico сонин уулзалт болох магадлалтай газрыг эх сурвалжийн мэдээллийг эш татан Хельсинки хэмээн нэрлэв. Москва болон Вашингтонд энэхүү мэдээллийг тайлбарласангүй. ОХУ, АНУ-ын лидерүүд ганцаарчилж хоёр удаа уулзсан. 2017 оны долдугаар сард Гамбургэд болсон G20 – ийн уулзалтын үеэр ерөнхийлөгч нар бүрэн хэмжээний хэлэлцээр хийж, хоёр талын харилцаа, Украин, Сирийн хямралын асуудлыг хэлэлцсэн. Путин, Трамп нар дараа нь арваннэгдүгээр сард Данангад болсон уулзалтын үеэр товчхон ярилцаж, Сирийн асуудлаарх хамтарсан мэдэгдлийг сайшаасан. Үүнээс хойш төрийн тэргүүнүүд хэд хэдэн удаа утсаар ярилцсан билээ. Эх сурвалж: www.polit.mn