Х.ОЮУНБОЛД Мексикт жил бүр тэмдэглэдэг нас барагсдын дурсгалын хүндэтгэлийн өдрийг  тэмдэглэн өнгөрүүлдэг уламжлалтай. Тэгвэл ОХУ-д зохиогдож байгаа хөлбөмбөгийн дэлхийн аварга шалгаруулах тэмцээнийг үзэж байгаа Мексикийн хөгжөөн дэмжигчид энэ өдрийг Москва хотын төвд тэмдэглэн өнгөрүүлэх гэж байна гэж нийслэлийн хэвлэлийн агентлагаас мэдээлэв. Мексикийн хөгжөөн дэмжигчдийн үндэстний байрнаас тус агентлагт  бид өнөөдөр Мексикийн үндэсний уламжлалт баяр нас барагсдаа хүндлэх өдөрт зориулсан багт наадмыг  Москвад тэмдэглэнэ. Улаанталбайд болох энэ баярт мексик үндэсний хувцас өмсч,энэ баяртай холбоотой зүйлс гавлын яс болон баярын  гол билэгдэл Катринатай төстэй хөшөө баримлууд бас байх болно гэж мэдээлсэн байна. Үүнээс гадна Москвагийн төв талбайг араг ясны хэлбэртэй зүйлсээр гоёж чимэглэхээс гадна амттан худалдаалах юм байна. Баярын жагсаал энэ баярт зориулсан концерт,үндэсний бүжгийг үзүүлж сонирхуулах Улаанталбай руу Москвагийн цагаар 16:00 цагт хөдөлснөөр эхэлнэ. Мөн 19:00 цагт Сан Василиогийн сүм рүү явж тэндээсээ театрын тоглолт үзэж болох Мексикийн үндэсний гэр рүү буцах юм. Энэ баярыг мексикчүүд жил бүрийн арваннэгдүгээр сарын 1,2-нд тэмдэглэн өнгөрүүлдэг. Гэвч Мексикийн хөгжөөн дэмжигчид энэ удаа хөлбөмбөгийн дэлхийн аварга шалгаруулах тэмцээн болж байгааг ашиглаж уламжлалт ёс заншил баяраа сурталчилах, таниулах зорилгоор тэмцээнийг зохион байгуулж байгаа эзэн оронд хийхээр шийдвэрлэжээ. Харин тэдний энэ алхмыг нийслэл хотын зарим улс төрчид Москвагийн төв талбайд тэмдэглэж,баярын жагсаал хийхийг сайшаахгүй байгаа аж. Тухайлбал,Оросын коммунист намын тэргүүн, энэ жил ерөнхийлөгчийн сонгуульд өрсөлдсөн Максим Сурайкин   бүх эх оронч орос хүний хувьд ариун нандин газар гэж үздэг улаанталбайд энэ баярыг тэмдэглэх нь ОХУ,Мексикийн нөхөрлөлд осолтой гэж үзэж байгаагаа илэрхийлжээ.  Эх сурвалж: mundo.sputniknews.com