Д.Гэрэл

МҮОНТ-ийн захирал Ч.Даваабаяр албан тушаалаа өгөхдөө “МҮОНРТ-д аудитын шалгалт оруулах ёстой. Энд хэн эрх мэдэлтэй байна тэр нь төсвийн мөнгөнөөс дураараа хэрэглэдэг” хэмээн мэдэгдсэн. Түүний мэдэгдэл, өргөдлийн дагуу Үндэсний аудитын газраас үйл ажиллагаа, санхүүгийн тайланд нь шалгалт хийжээ. Шалгалтаар хэд, хэдэн ноцтой зөрчил илэрсэн гэнэ. Тухайлбал, 2012 онд нийт 121 харилцагч буюу Радио 34, Телевиз 75, ММ агентлаг 12 байгууллагатай тус тус гэрээ байгуулж хамтран ажиллажээ. Харин 2013 оны эхний есөн сарын байдлаар нийт 114 харилцагч буюу Радио 22, Телевиз 79, ММ агентлаг 13 байгууллагатай тус тус гэрээ байгуулж хамтран ажилласан байна. Түүнчлэн МҮОНРТ-ийн эфирээр төлбөртэй үйлчилгээ үзүүлсний үр дүнд 2012 онд байгууллагуудаас 1537.4 сая төгрөг, иргэдээс 0.8 сая төгрөг, төсөл хөтөлбөрөөс 1,245.2 сая төгрөг буюу нийт дүнгээр 2783.5 сая төгрөгийн орлого оруулжээ. Гэхдээ хамгийн үзэх дуртай нэвтрүүлгүүдийн хөтлөгч нар нь тухайн оролцогч талтайгаа хувиараа гэрээ хийж мөнгөө авч байсан нь шалгалтаар илэрсэн байна. Энэхүү зөрчлөө арилгахын МҮОНРТ-ийн захирал М.Наранбаатарт сануулахад эргүүлээд тайлбар бичиж ирүүлжээ.  Аудитын тайланг бүрэн эхээр нь үзнэ үү. http://www.audit.mn/mn/images/files/audit-report/MNB-tailan.pdf