
Б.ЗАЯА
Албан тушаалаа урвуулан ашиглаж улсад их хэмжээний хохирол учруулсан хэргээр ял сонссон Ашигт малтмалын газрын дарга асан Д.Батхуягийг дахин шалгаж эхэлсэн тухай мэдээлэл гараад буй. Албаны эх сурвалжийн мэдээлж буйгаар Д.Батхуяг биш, түүнтэй хамт ял сонссон, түүний найз “Зэлмэ” компанийн захирал С.Жаргалсайханыг шалгаж буй юм байна. Түүнийг “Берун майнинг” компанид хууль бус хайгуулын нэг лиценз зарсан хэргээр Зохион байгуулалттай гэмт хэрэгтэй тэмцэх газрын Эдийн засгийн гэмт хэрэг мөрдөх хэлтэст шалгаж байна.
С.Жаргалсайхан “Саусгоби сэндс” компанийн эзэмшлийн ашигт малтмалын дөрвөн тусгай зөвшөөрлийг хууль бусаар өөрийн компанид гаргуулан авсан хэрэгт буруутгагдан өнгөрсөн оны нэгдүгээр сард шүүхээс 5.1 жилийн ял сонссон юм.