Д.ЭНХЭЭ “Таван жилийн өмнө устгасан болохоор одоо Дамаскийн мэдэлд ямар ч химийн зэвсэг байхгүй, эрх баригчид ийм зэвсэг хэрэглэж байна хэмээн буруутгаж байгаа нь бусад улс орон сирийн газар нутаг руу дайрч орох шалтаг болгож байна” гэсэн мэдэгдлийг Сирийн Ерөнхийлөгч Башар Асад ням гарагт оросын НТВ телевизийн сувагтай ярилцахдаа хийсэн  байна. "2013 оноос бидэнд химийн зэвсэг байхгүй болсон, хэрвээ байдаг юм гэхэд ийм зэвсгийг ялж байхдаа биш, ялагдах үед л хэрэглэдэг. Тэгээд л биднийг ялах тусам тэд үнэн хэрэгтээ хэрэглэж байгаа юм. Тийм болохоор иймэрхүү дүгнэлт учир зүйд (логикт) нийцэхгүй байгаа бөгөөд зөвхөн Сири дэх террористуудыг дэмжих шалтаг болгон ашиглаж байна”  хэмээн Асад хэлэв. Сөрөг хүчний эсрэг хордуулагч бодис хэрэглэж байна гэдгээр Дамаскийн эрх баригчдыг нэг бус удаа буруутгаж байгаа билээ. 2017 оны дөрөвдүгээр сард холбоотнуудын үзэж байгаагаар сирийн нийслэлийн химийн зэвсгийн үйлдвэрлэлтэй холбоотой байж болох дүүргийн объектуудад АНУ, Франц, Их Британи улс агаарын цохилт өгсөн. Башар Асад ням гарагт оросын телевизэд өгсөн яриандаа “энхийг сахиулах хүчний тэнцвэрийг сэргээх” шаардлагатай байгаа учраас оросын цэрэг Сирид байгаа юм хэмээн тайлбарлав. Тэрээр мөн дайны дараах сэргээн босголтод Барууны тусламж авахаас татгалзаж, сиричүүд гадаадад амьдарч буй эх орон нэгтнүүдийн тусламж болон төрийн хөрөнгө мөнгөөр өөрсдөө бие дааж хийх болно гэв. Дайн байлдаан долоон жил тасралтгүй үргэлжилж байгаа Сирийн сэргээн босголтод 350 тэрбум евро шаардагдаж магадгүй. Эх сурвалж: www.polit.mn