Б.ТӨГС УИХ-ын гишүүн Л.Оюун-Эрдэнэ 60 тэрбумын хэрэгтэй холбоотойгоор нийтийн сонсгол хийхтэй холбогдуулан Монголын залуу хуульчдын “Хос дэнс клуб” ТББ-ын тэргүүн А.Гантамир олон нийтэд мэдээлэл хийлээ. Тэрээр Л.Оюун-Эрдэнэ гишүүнийг хууль дээдлэх зарчмыг уландаа гишгэсэн хандлагыг олон нийтэд түгээж, иргэдийг гэмт хэрэгтэн болгох гээд байна гэж шүүмжилсэн юм. “Би ггишүүний мэдэгдлээс нэг зүйлд бухимдалтай байгаа. Хэрэв ямар нэг авлига өгч албан тушаалд очсон бол иргэний зориг гарган бидэнд мэдээлээч гэж хүссэн байна. Ингэж иргэдийг бамбай болгодгоо болих хэрэгтэй. Өнөөдөр авлига өгсөн хүн ч хуулийн хариуцлага хүлээдэг. Иргэний зориг гэдэг үгийн цаана та гэмт хэрэг хийснээ хүлээ гэсэн утга бий. Өөрөөр хэлбэл, иргэн мөнгө өгч албан тушаал авснаа хэлэхэд улстөрчид улс төрөө хийгээд л өнгөрнө, иргэн хэрэгтэн болоод үлдэнэ. Л.Оюун-Эрдэнэ гишүүн байгаа буруу онилоод байна” гэв. Эх сурвалж: www.polit.mn