Х.ОЮУНБОЛД Япон, Колумбын шигшээ баг өнөөдөр Саранск хотын “Молдовия Арена” цэнгэлдэх хүрээлэнд тоглоно. Энэ хоёр шигшээ дөрвөн жилийн өмнө Бразилд болсон ДАШТ-д таарч Колумбын шигшээ Японы  багийг 4:1 харьцаагаар буулгаж авч байжээ.Иймээс Колумбын шигшээгээс хариугаа нэхэх боломж энэ ДАШТ-ий үеэр Японы шигшээд гарч байна гэсэн үг. Үүний тулд Японы шигшээгийн дасгалжуулагч Акира Нишиногийн  тоглогчид  тоглолтын санаачлагыг гартаа авч тоглох шаардлагатай. Учир нь өрсөлдөгч баг нь сөрөг довтолгоо хийж тоглодог. Мөн тэдэнд тааруулж тоглохын оронд тоглолтын санаачлагыг гартаа авч тоглохыг оролдоно. Бид тоглолтодоо анхаарлаа хандуулах ёстой гэжээ. Өнгөрсөн дөрөвдүгээр сараас Цэнхэр самурай нарын дасгалжуулагчаар ажиллаж эхэлсэн Акира Нишино Колумбын дасгалжуулагч  Хосе Пекерманд багаа бэлдэж дөрвөн жил байсан. Харин би  багаа аваад нэг сар болж байгааг анхаарч үзэх хэрэгтэй. Мөн түүний тоглогчид тоглоход бэлэн байгаа. Тэдний хувьд энэ тоглолт их чухал. Манай баг сайн баг. Колумбын шигшээтэй хурдтай өрсөлдөж чадна гэв.Акира Нишино Японы баг довтолж тоглох бие даасан хувилбараар тоглоно. Мөн сүүлийн тоглолтод тоглогчдоо эрсдлийг үүрэхийг хүсчээ. Тэрээр Колумбын шигшээгийн тоглогч Жеймс Родригесийг тэр бол Колумбын шигшээгийн бэлэг  тэмдэг. Түүний зогсоох их хэцүү. Түүнийг зогсоохын тулд  бүх багаараа оролцох хэрэгтэй гэв. Харин Колумбын дасгалжуулагч Хосе Нестор Пекерман “Японы шигшээ бол их хүчтэй өрсөлдөгч.Бид хатуу, хүчтэй өрсөлдөгч хүлээж байна. Түүнчлэн Акира Нишиногийн баг бол хүчтэй,болгоомжилбол зохих баг. Учир нь авьяастай  тоглогчид бий гэсэн байна. Үүнээс өмнө Японы баг гурван удаа Колумбын шигшээтэй тоглож байсан ч хожиж байгаагүй аж. Тухайлбал, 2003 онд Францад болсон тэмцээнд 1:00, Бразилд 2014 онд 4:1 харьцаагаар хожигдсон юм.  Японы багийн хөгжөөн дэмжигчид энэ удаагийн ДАШТ-д Японы шигшээ анхны ялалтаа байгуулна гэж найдаж байгаа юм. Тэдний тоглолтыг 41685 хөлбөмбөгийн хорхойтнууд үзнэ. Эх сурвалж: www.polit.mn