Б.ТӨГС Дорноговь аймгийн Хатанбулаг сумын иргэд, малчид Сулинхээрийн отрядыг нүүлгэж, хилийн хамгаалалтын бүсийг хумьсан шийдвэрийг эсэрцгүүцэж хэвлэлийн бага хурлыг Үндэсний мэдээллийн төвд зохион байгуулж байна. Тус суманд хилийн аюулгүй байдал алдагдаж байгааг тэд хэллээ. Хатанбулаг сумын нутаг дэвсгэрт өнөөдрийн байдлаар ашигт малтмалын хайгуулын 11, ашиглалтын 5 нийт 16 тусгай зөвшөөрөлтэй аж ахуй нэгж үйл ажиллагаа явуулж байгаагаас гадна өөр аймаг суманд үйл ажиллагаа явуулж байгаа уул уурхайн компаниуд Ханги хилийн боомт хүртэл тээвэрлэлт хийж 7-50 метрийн өргөнтэй 4 салаа, дунджаар 170 км-ийн урттай замууд гараад байгаа гэнэ. Энэхүү салбарын хариуцлагагүй үйл ажиллагаа, төрийн су хяналт, уялдаа холбоогүй хууль тогтоомж, засаглалын чадавхгүйн улмаас Хатанбулаг сумын малчид, иргэд Үндсэн хуулиар олгогдсон эрүүл, аюулгүй орчинд амьдрах эрхээ алдаж байна гэлээ. Тиймээс Монгол Улсын Ерөнхийлөгч, Ерөнхий сайд, БОАЖЯ, УУХҮЯ, АМГТГ-т , мөн Зам тээврийн яаманд хуулиар хүлээсэн үүргээ хэрэгжүүлэхийг шаардсан албан тоот өгч, хэвлэл мэдээллийн байгууллагуудыг малчдын дуу хоолой болохыг хүслээ. Хуралд оролцсон иргэд: “Нутаг амь” ТББ-ын тэргүүн Ц.Баттулга-86332855 “Ногоон хоолой” ТББ-ын тэргүүн А.Цэрэн – 88948281 ИТХ-ын төлөөлөгч А.Баярсайхан 98966558 Эх сурвалж: www.polit.mn