Х.ОЮУНБОЛД Москвагийн Лужник цэнгэлдэх хүрээлэнд дэлхийн хөлбөмбөгийн аварга шалгаруулах тэмцээний нээлтийн дараа ОХУ, Саудын Арабын багийн хооронд хийсэн тоглолт боллоо. Талбайн эзэн тоглолтын эхний үеэс санаачлагыг гартаа аван тоглож эхний гоолыг өрсөлдөгч багийнхаа хаалганд  ФС Краснадор багийн хагас хамгаалагч  Юрий  Газински мөргөж оруулав. Мөн тоглолтын 25 дахь минутад бэртэл авсан тоглогч А. Загоевийн оронд  одоо Испанийн шигшээ  багт тоглодог Денис Черышев талбайд гарч ирлээ. Тэрээр Александр Головины торгуулийн талбайд тогтоосон бөмбөгөөр Саудын Арабын багийн хаалганд хийж ээлжит гоолоо хийсэн юм. Энэ тоглолтын үеэр ОХУ-ын баг хоёр удаа өрсөлдөгч багийнхаа хаалганд толгойгоороо мөргөж гоол оруулсан байна. Тухайлбал, нэгийг нь Юрий Газински, нөгөөг нь тоглолтын 71 дэх минутад Федор Смоловын оронд талбайд гарсан Артем Дзюба хийжээ.Ийнхүү цаг сунгаж тоглосон тоглолтод Саудийн Арабыг 5:00 харьцаагаар хожсоноор талбайн эзэн баг эхний ялалтаа  байгууллаа. А хэсэгт тоглож байгаа ОХУ-ын багийн Уругвайн шигшээтэй хийх тоглолт  энэ сарын Доны Ростовт болно. Мөн Египетийн багтай  25-нд  “Волгоград Арена” цэнгэлдэх хүрээлэнд тоглох юм. Саудын Арабын баг тав дахь удаагаа Дэлхийн хөлбөмбөгийн аварга шалгаруулах тэмцээнд оролцож байна.  Түүнчлэн энэ баг өмнө нь 11 удаа дэлхийн аваргад тоглосон  хожиж байгаагүй аж. Хамгийн сүүлд АНУ-д 1994 онд болсон аварга шалгаруулах тэмцээний үеэр Бельгийн багийг 1:00 харьцаагаар хожиж байжээ. Харин сонирхуулахад Кени улсад байдаг хатуу хяналттай Камити  шоронгийн хүмүүжигчид ДАШТ-ий  салхийг хагалсан тоглолт хийсэн хоёр  баг болж тоглосон байна. Эх сурвалж: ww.polit.mn