Таро Коно, Майк Помпео нар дахин уулзана

Нүүр

Дэлхийн улс төр

Таро Коно, Майк Помпео нар дахин уулзана

2018-06-08

Нийтэлсэн: Админ

1 мин

ХУВААЛЦАХ

ЖИРГЭХ

Х.ОЮУНБОЛД Японы Гадаад хэргийн сайд Таро Коно, АНУ-ын Төрийн нарийн бичгийн дарга Майк Помпео нар Вашингтонд уулзсан байна. Тэд энэ үеэр ерөнхийлөгч Дональд Трамп, удирдагч Ким Жон Ун нарын уулзалтын дараа дахин уулзахаар тохиролцсон гэж Таро Коно мэдэгдсэнийг “Киодо” агентлаг уламжиллаа. Тэрээр “Ерөнхийлөгч Дональд Трамп Пхеньянд хатуу дарамт үзүүлэхээсээ татгалзсан нь Хойд Солонгосын удирдагч Ким Жон Уныг шахаж дарамтлах хэрэггүй болохыг нотолж байна гэв. Энэ уулзалтаар хэлэлцсэн ярианы гол сэдэв нь ерөнхийлөгч Дональд Трамп, удирдагч Ким Жон Ун нарын хийх уулзалт, Японы ерөнхий сайд Шинзо Абэтэй Дональд Трампын хийх уулзалтын бэлтгэл ажлын тухай байсан аж. Түүнчлэн Таро Коно, Майк Помпео нар Солонгосын хойгийг цөмийн зэвсэггүй бүс нутаг болгох нь баттай болох хүртэл НҮБ-ын тогтоол, Хойд Солонгост тавьсан хоригийг биелүүлэх шаардлагатай талаар ярилцсан байна. Дональд Трамп, Ким Жон Ун нар уулзалтынхаа үеэр 1970-1980 онд Хойд Солонгосын Аюулгүй албаныхны барьцаалсан япон иргэдийг суллах талаар хэлэлцэхийг онцолжээ. Харин Японы ерөнхий сайд Шинзо Абэ Хойд Солонгос, АНУ-ын хооронд болох уулзалтаас өмнө ерөнхийлөгч Дональд Трамптай уулзахаар АНУ-д ирсэн байна. Тэрээр ерөнхийлөгч Дональд Трамптай уулзаж Ким Жон Унтай уулзах үеэр хоёр орны баримтлах байр суурийн талаар хэлэлцэж тохиролцохоор Цагаан ордонд айлчилжээ. Тэрээр Канадад өнөөдөр, маргааш болох их долоогийн уулзалтад оролцохоор явахынхаа өмнө айлчилж байна гэж Японы Гадаад хэргийн яамнаас мэдээлэв. Пхеньянтай хэлэлцээр хийнэ гэдэгт эргэлзэж байгаагаа илэрхийлсэн ерөнхий сайд Шинзо Абэ Хойд Солонгост дээд зэргийн хатуу дарамт үзүүлэх ёстой гэсэн улс төрийн бодлогыг баримталж байгаа юм. Гэвч дарамт үзүүлэхийг санаачлагч ерөнхийлөгч Дональд Трамп уулзалт болох ойртож байгаа учраас Хойд Солонгост тавих шаардлагаа багасгаад байна. Ерөнхий сайд Шинзо Абэ “Тэдний энэ удаагийн уулзалтаас ерөнхийлөгч Дональд Трампад Солонгосын хойгийг нэгмөсөн цөмийн зэвсэггүй бүс болох нь баталгаатай болох хүртэл Пхеньянд ногдуулсан хоригоо хэвээр нь байлгах нь зөв гэдгийг нотолно гэдэг итгэлтэй байна” гэж Засгийн газраас мэдэгдсэнийг “Киодо” агентлаг уламжилжээ. Эх сурвалж: “Зууны мэдээ” сонин

Засгийн газрын БЭТ Ж.Батзандан "Эрдэнэт" ТӨҮГ-ын үүсмэл гурван ордын төрийн эзэмшлийн хувь хэмжээг тогтоох болон стратегийн ордуудын хэлэлцээрийн талаар мэдээлэл хийв.

Засгийн газрын БЭТ Ж.Батзандан "Эрдэнэт" ТӨҮГ-ын үүсмэл гурван ордын төрийн эзэмшлийн хувь хэмжээг тогтоох болон стратегийн ордуудын хэлэлцээрийн талаар мэдээлэл хийв. 2025.12.25

26 мин

Ө.Шижир гишүүн төрийн бодлогын уялдаа холбоогүй байдлыг шүүмжлэв

Улсын Их Хурлын 2025 оны намрын ээлжит чуулганы өнөөдрийн (2025.12.25) үдээс өмнөх нэгдсэн хуралдаанаар “Төрийн өмчит хуулийн этгээдийн хувьцааг 2026-2028 онд биржээр олон нийтэд нээлттэй худалдах, төрийн өмчийг хувьчлах, өөрчлөн байгуулах үндсэн чиглэл батлах тухай” Улсын Их Хурлын тогтоолын төслийн хэлэлцэх эсэх хэлэлцүүлэг болсон.

1 цаг 11 мин

ХШТХ: Оюу толгойн үр өгөөжийг 3 жил тутам харилцан хянахыг дэмжив

Хянан шалгах түр хорооны өнөөдөр /2026.12.24/-ийн хуралдаанаар Оюу толгой бүлэг ордын ашиглалтад Монгол Улсын эрх ашгийг хангуулах, хүртэх өгөөжийг нэмэгдүүлэх хүрээнд хийсэн тусгай шалгалт, сонсголын мөрөөр авч хэрэгжүүлэх арга хэмжээний тухай УИХ-ын тогтоолын төслийг хэлэлцлээ.

5 цаг 35 мин

Ундны ус гүн цэвэршүүлэх болон хаягдал ус дахин боловсруулах үйлдвэрийн туршилт тохируулгын ажлыг хийж байна

Монгол Улсын Засгийн газар, АНУ-ын Мянганы сорилтын корпорац хооронд 2018 оны 7 дугаар сарын 27-ны өдөр байгуулсан Мянганы сорилтын хоёр дахь Компакт гэрээгээр “Улаанбаатар хотын нийт ус хангамжийг нэмэгдүүлэх хөтөлбөр”-ийг АНУ-ын Засгийн газрын 350.0 сая ам. долларын буцалтгүй тусламж, Монгол Улсын Засгийн газрын 111.7 сая ам. долларын хөрөнгө оруулалтаар хэрэгжүүлж байна. Компакт гэрээ 2026 оны гуравдугаар сарын 31-ний өдөр дуусгавар болно.

8 цаг 59 мин