А.ЦЭРЭНДОРЖ Хэдэн жилийн өмнө Монголд багийн спорт хөгжихгүй тэр дундаа сагсан бөмбөг олон улсын түвшинд гарч чадахгүй гэж олон нийт ярьж байсан билээ. Хийе, бүтээе, чадна гэж хичээвэл хүрч адахгүй оргил, амжилт гэж байдаггүйг Монголын залуус бидэнд батлан харуулсаар. ФИБА 3х3 Ази тивийн аваргын алт, мөнгөн медаль, Дэлхийн их дуулгын 4-р байр, Дэлхийн гранпри хүрэл, Азийн танхимын наадмын хүрэл, Оюутны Ази тивийн аварга алт, Дэлхийн Оюутны лигийн алт, нэг жилд 2 багаа Дэлхийн Их Дуулгад оролцуулсан гээд Монголын багийн амжилтын буухиа одоо ч үргэлжилсээр байна. Хоёр хоногийн дараа Монголын сагсан бөмбөгийн гурвын эсрэг гурвын шигшээ баг 50,000 хүний суудалтай сагсан бөмбөгийн ордон ФилиппинАренадболох Дэлхийн аваргын төлөө өрсөлдөхөөр боллоо. Монголын шишгээ  “Ulaanbaatar Garuda” багийн бүрэлдэхүүнд ерөнхий дасгалжуулагчаар С.Тулга багийн тоглогч Э.Дөлгөөн, Д.Дэлгэрням, Э.Цэрэнбаатар, Г.Цэнгүүнбаяр нар эх орноо төлөөлөн оролцох гэж байгаа билээ. Энэ удаагийн 3х3 Дэлхийн аварга шалгаруулах тэмцээнд нийт 22 улс оролцох бөгөөд манай шигшээ баг хасагдах шатны эхний тоглолтод зургадугаар сарын 9-ний 16 цаг 40 минутанд Канад улсын шигшээ багтай тоглох юм. Манай улс хасагдах шатанд Орос, Бразил, Канад, Филиппин гэсэн улсуудтай учраа таарсан байна. Эх сурвалж: www.polit.mn